Sikul khâr chhun-zawm zel a ni dawn

School Education department chuan nimin thupek (order) tichhuakin, kum 2021-22 academic session atan Mizorama sikul zawng zawng khâr chhunzawm zel tur a nih thu a puang. Online hmangin admission tih phal a ni thung.

School Education Director-in order a tih­chhuaha tarlan danin, pre-primary aṭanga pawl 12 thlengin sorkar thu­chhuak thar a awm leh hma chuan sikul khar chhun­zawm zel tur a ni a; class pangngai kal theih loh chhungin online class a theih anga kalpui tur a ni.

Sikul zawng zawngte chu online class kalpuina tura kaihhruaina siamte zâwm tura tih an ni a; chutih rualin, zirlaite tana hahthlak lutuk tur leh hun rei lutuk hmanpui loh tur a ni thung. Sikul hostel zawng zawng khâr chhun­zawm zel tur a ni bawk.

SCERT-in '4-Week Alternative Academic Calendar for Elementary Schools in Mizoram’ an buatsaih chu class pang­ngai kal theih loh chhungin hman tur a ni a; MBSE buatsaih 'Week-Wise Plan' chu high school leh higher secondary school-te'n kalpui tur a ni.