Covid-19 vei mi 1 thih belh

Covid-19 vei SRH-ZMC-a enkawl lai Jeru­salemthara (44) s/o Lal­ringliana Sailo (L), Tanhril chu May 11, Thawhlehni zan dar 9:45 khan a thi a, nimin zing dar 9 khan Tanhril community hall-ah vui a ni.

Jerusalemthara hi Covid-19 positive a ni tih May 4, 2021-ah hmuh chhuah a ni a, SAI CCC, Mission Vengthlanga enkawl a nih hnuah May 10 khan SRH-ah dah luh a ni. Thin (liver) leh kal (kidney) natna nei sa a nih thu sorkar thuchhuak chuan a tarlang.

Sorkar chhinchhiah danin, Jerusalemthara nen hian Mizorama Covid-19 vei thi mi 23 an awm tawh a ni.