Covid-19 vei thi sâwngbàwl dan turah kaihhruaina siam

Central YMA office bearer-te leh Covid-19 Medical Operation Team (MOT)-te chuan nimin khan CYMA Committee Room-ah Covid-19 vei thite ruang sawngbawl danah rualkhai zawka kal theih dan tur an sawiho a; ruahmanna siam nghalin, ruahmannate chu zâwm turin YMA branch tin an ngen.

CYMA chuan, "DMR department-in March 25, 2020-a SOP a tihchhuah zûlzuiin, khua/vengte'n rualkhai zawka kan kalpui theih nan inkaihhruaina siam a ni a, a theih chen chenah zâwm ṭheuh turin YMA sub-headquarters, group leh branch-te kan inngen a ni," an ti.

Kaihhruaina duan tharte
1. Covid-19 vanga thi te, damdawi-ina sâwngbâwl vek tawh hnua kuanga dah tawh chu a hlauhawm tawh loh.
2. Covid-19 vanga thite sâwngbàwl tawhte hi natna dang vanga thite ang thoin zahawm takin in/hall-ah vuina hun hman theih a ni.
3. Kuang buaipuitute'n glove leh mask vuah a him tâwk a, full PPE hâk kher a ngai lo.
4. Mitthi vuituin full PPE hâk kher a ngai lo a, mask vuah mai a tâwk.
5. Mitthi vuinaah sorkar SOP zawm tur a ni.