Covid-19 vei 237 hmuh a ni : Hripui vei hmuh tam ber ní

May 11, Thawhlehni khan Mizoramah Covid-19 vei mi 237 hmuh chhuah a ni a, hripui vei hmuh chhuah tam ber ní a nih bakah, nimin kha hripui vei enkawl mi sang hnih an tlin vawi khatna a ni. Thawhlehni zan khan Covid-19 vei mi pakhat a thi a, nimin khan mi 118 chhuahtir an ni.

Covid-19 vei hmuh tharte chu mipa 139 leh hmeichhia 98 niin, ZMC laboratory-a hmuh chhuah mi 129, TrueNAT-PCR hmanga hmuh pakua leh RAT hmanga hmuh chhuah mi 99 an ni a; Aizawla veng 30 leh khaw dang 21-a mite an ni. Tun May thlaah mi 1,902 hmuh chhuah a ni tawh.

Mizoramah Covid-19 vei mi 8,032 hmuh chhuah a ni tawh a, mipa 5,295 leh hmeichhia 2,737 an ni. Nimin tlai dar 5 thleng khan mi 6,120 (76.19%) chhuahtir an ni tawh a, mi 23 (0.29%) thi tawhin, enkawl mek mi 1,889 (23.52%) an awm.

May 11, Thawhlehnia Mizorama swab sample endik dan chu - ZMC laboratory-ah 1,639, TrueNAT-PCR hmangin district pakuaah 272 leh RAT hmangin district 10-ah 1,961 a ni a; a vaiin sample 3,871 (mipa 2,190 leh hmeichhia 1,681) niin, chu'ng aṭanga hripui vei hmuh 237 chu 6.20% a tling.

Hripui vei hmuh thar 237-te chu Aizawl district-a hmuh mi 183, Lunglei district-a hmuh 10, Siaha district-a hmuh pariat, Kolasib district-a hmuh 14, Serchhip district-a hmuh 20, Saitual district-a hmuh pathum leh Lawngtlai leh Khawzawl district-a hmuh mi pakhat ve ve an ni.

Mi 237 zingah healthcare worker pahnih an tel a; naupang kum tling lo 30 aia tlem lo an telin, naute kum 1 mi panga leh kum 2 mi pakhat an tel bakah, kum 70 chung lam pali an tel bawk. Hripui vei hmuh chhuah tamna ber Chhinga Veng mi 30 hmuh chhuah a ni a, tualchhunga kái vek an ni. Bethlehem Vengah mi 20 hmuh chhuah a ni a, an zinga mi 16 chu tualchhunga kai niin, mi pali erawh chu state páwn aṭanga haw hlim an ni. Serchhip Chanmari-ah mi 18 hmuh a ni a, tualchhunga kái vek leh symptom nei vek an ni.

Mi 237 zinga mi 170 chu Mizorama kái chhâwng nia hriat an ni a, mi 67 chu tun hnaia state pawn aṭanga Mizorama lutte an ni. Tualchhunga kái zingah hri kàina hriat loh mi 38 an awm a; Covid-19 natna (symptom) lang chhuak mi 73 an awm.

Nimin khan tlai dar 5 thlengin hripui laka fihlim tawh mi 118 chhuahtir an ni a; Aizawl district-ah mi 78, Mamit district-ah mi 29, Kolasib district-ah mi 10 leh Serchhip district-ah mi pakhat an chhuak. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,786 hmuh chhuah a ni tawh a, TrueNAT-PCR hmangin 854 leh RAT hmangin 3,391 hmuh chhuah a ni tawh.

May 11, 2021 thlengin Mizoramah swab sample 3,37,104 endik a ni tawh a, chu'ng aṭanga Covid-19 positive hmuh tawh zat 8,032 chu 2.38% a ni. Hripui vei hmuh tawh zinga mi 4,537 chu Mizoram chhunga kái chhâwng an ni a, mi 3,495 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
Aizawl district
Armed Veng 5
Bawngkawn 3
Bawngkawn South 3
Bethlehem Veng 20
Bethlehem Vengthlang 7
Bung Bangla 2
Central Jail Veng 2
Chaltlang 3
Chanmari 3
Chanmari West 4
Chawnpui 2
Chhinga Veng 30
Damveng 1
Dinthar 1
Edenthar Veng 2
Electric Veng 2
Kanan Veng 1
Khatla 5
Khatla East 2
Kulikawn 1
Luangmual 3
Ramhlun South 5
Sakawrtuichhun (BSF) 1
Tanhril 5
Tuikual North 2
Tuikual South 4
Tuithiang 2
Venghlui 1
Zarkawt 3
Sihphir 1
Assam Rifles, Zokhawsang 44
BSF, Lengpui 4
90 Bn BSF 3
BRTF, Seling 1
Sakawrdai 1

Lunglei district
Lunglei Chanmari 1
Lunglei Hotel Grand 1
Tlabung 8

Siaha district
Siaha Vaihpi 7
College Vaih 1

Champhai district
Chawngtlai 1

Kolasib district
Kolasib Tuiṭha Veng 4
Vairengte 1
Bairabi 1
Saiphai 1
Phaisen 2
Rengtekawn 1

Serchhip district
Serchhip Chanmari 18
Chhingchhip 1
North Vanlaiphai 1

Lawngtlai district
Kamalanagar-IV 1

Mamit district
Nghalchawm 5

Saitual district
Phullen 3

Khawzawl district
Ngaizawl 1