Journalist-te frontline worker-a puang turin Chief Minister ngen

MJA, Lawngtlai District chuan, Mizorama journalist-te Covid-19 frontline worker-a puan an nih theih nan hma lâksak turin chief minister Zoramthanga an ngen.

Lawngtlai district MJA-te hian Chief Minister hnena an ngenna chu an president Lalngheta Ralte hoin nimin khan Lawngtlai DC Dr Andrew H Vanlaldika hnenah an hlân a; Bawrhsap chuan, a ṭul anga a lo bawhzui nghal tur thu a sawi.

Lawngtlai MJA chuan, Lawngtlai district-a MJA member-te chu an hna avangin hripui kâi hlauhthawnawm tak takah an ding fo tih tarlangin, an dinhmun hriatthiamsak a, Covid-19 frontline worker-ah tel turin Chief Minister an ngen a ni. Hripui do kawnga journalist-te dinhmun tlangpui leh an ṭangkainate Lawngtlai DC chu an hrilh nghal bawk.