DC hoin Lungleia dawr hawn dan tur rêl

Lunglei DC Kulothungan A kaihhruaiin nimin khan khawpui chhunga village task force-te leh sorkar hotute vawiina Lungleia eichawp dawr leh chawhmeh zawrhna hawn dan tur an sawiho a; VTF-te remtihnain chhungkaw pakhat aṭangin mi pakhat bâk bazar tura chhuah phal a ni lo.

Lungleia bazar dan tur
1. Zing dar 5 aṭanga chawhma dar 10 thleng thlai leh sa zawrhna hmun hawn a ni ang a, chumi chhung chuan dawr dang hawn phal a ni lo.

2. Chawhma dar 10 aṭangin SOP-in a phal chin eichawp leh ni tin mamawh zawrhna dawrte hawn phal a ni a; dawrkaite'n an veng VTF hriatpuina/remtihna lehkha kengin wholesale dàwr aṭangin chhun dar 12 thleng mamawh an lam khawm thei ang. Veng chhunga dawr nei ni lo tan bungraw lak phal a ni lo.

3. Chhun dar 12 aṭanga tlai dar 4 thleng Lunglei khaw páwn lam tan ni tin mamawh lam khawm theih a ni.