Theihtawp chhuah turin ngen

Mizoram Govt Medical Laboratory Technician Association chuan, ZMC-a laboratory technician, Covid-19 vei mekte chu dam leh thuai turin duhsakna an hlàn a, "Hmun hrang hranga hah taka thawktu laboratory technician-te zâm mai loa Mizoram mipui chhanhim nana theihtawp chhuah zel turin kan inngen a, a ṭulna apianga thawhpui zel turin kan inpeih a ni," an ti.

MGMLTA chuan, Mizoram sorkarah laboratory technician a ngheta thawk mi 50 vel chauh an awm mek tih sawiin, "Tuna Covid buaipuinaah pawh project hnuaia thawk - MSACS, NHM leh volunteer laboratory technician-te zarah kan kal thei hrâm hrâm a ni," an ti a; an indaih lohna hriatthiampui a, laboratory technician regular/contract a tam thei ang ber la thuai turin Mizoram sorkar an ngen a ni.