MPS pakhat service pawhsei a ni : NSUI-in service pawhsei sût an phût

Mizoram sorkar chuan MPS officer (junior grade) R Lalbiakmawia chu thla ruk chhung atan sorkara a thawh hun a pawhseisak. Hemi chungchangah hian Home secretary Lalbiaksangi chuan May 12, 2021 khan hriattirna a tichhuak a ni.

Home Secretary-in notification a tih­chhuaha a lan danin, R Lalbiakmawia, MPS junior grade chu a pension hnuah kumin June 1 aṭanga November 30 (thla ruk) chhung atan a service pawhsei a ni.

R Lalbiakmawia ser­vice pawhsei a ni chu an hrethiam lo tih, NSUI (Mizoram) chuan thu­chhuah siama tarlangin, "A service pawhsei a nih avang hian Mizoram police officer tam tak, DSP, inspector leh sub-inspector-te kaisanna thla ruk a pawt khawtlai dawn a ni," an ti a; service pawhseina thupek hi sût turin Mizoram sorkar an phût.

NSUI chuan, R Lalbiak­mawia chu thiamna bik nei a nih loh thu sawiin, "MNF returnee a ni a, MNF sorkar hnu, October 20, 2020-ah inspector aṭanga MPS-a officiating basis-a kaisang a ni. MNF sorkar hnu lawka CM Security-a awm a ni a, tunah pawh CM Security-ah attached a la ni nghe nghe. Thiamna bik nei lem lo, CM hnaih taka awm, MNF returnee a nih avanga a service hi pawh sei niin a lang," an ti.