COVID-19: Mizoram dinhmun : Hripui vei 144 hmuh belh a ni

May 12, Nilaini khan Mizoramah Covid-19 vei mi 144 hmuh chhuah a ni a, May thla ni 12 chhungin mi 2,046 hmuh chhuah a ni tawh. Nimin khan hripui laka fihlim tawh mi 84 chhuahtir an ni.

Covid vei hmuh tharte chu mipa 76 leh hmeichhia 68 an ni a, Aizawla veng 22 leh khaw dang 13-a mite an ni. TrueNAT-PCR hmangin mi pathum leh RAT hmangin mi 141 hmuh chhuah a ni a; ZMC-a laboratory technician zingah hripui vei an awm nual avangin Nilaini khan swab sample endik a ni lo.

Nimin khan tlai dar 5 thlengin hripui laka fihlim tawh mi 84 chhuahtir an ni a; Aizawl district aṭangin 28, Siaha district 31, Serchhip district 11, Kolasib district pariat leh, Lunglei leh Lawngtlai district aṭangin mi pathum ve ve an ni.

Mizoramah Covid-19 vei mi 8,176 hmuh chhuah a ni tawh a, mipa 5,371 leh hmeichhia 2,805 an ni. Nimin tlai dar 5 thleng khan mi 6,204 (75.88%) chhuahtir an ni tawh a, mi 23 (0.28%) thi tawhin, enkawl mek mi 1,949 (23.84%) an awm.

May 12, Nilainia Mizorama swab sample endik dan chu - TrueNAT-PCR hmangin district pasarihah 259 leh RAT hmangin district 11-ah 1,702 a ni a; a vaiin sample 1,961 (mipa 1,127 leh hmeichhia 834) niin, chu'ng aṭanga hripui vei hmuh 144 chu 7.34% a tling.

Mi 144 zinga mi 142 chu Mizorama kái chhâwng nia hriat an ni a, mi pahnih chiah tun hnaia state pawn aṭanga Mizorama lut an awm. Tualchhunga kái 142 zingah hri kàina hriat loh mi 92 an awm a; Covid-19 natna (symptom) lang chhuak mi 85 an awm bawk.

TrueNAT-PCR hmanga hmuh mi pathum zinga pahnih chu tualchhunga kái an ni a, kàina hriat loh pakhat leh Covid-19 symptom nei pakhat a awm a ni. RAT hmanga hmuh zingah, Aizawl district-a hmuh mi 86 zinga 84 chu tualchhunga kái niin, kàina hriat loh mi 41 an awm a, symptom nei mi 65 an awm. Champhai district-a hmuh 32-te chu tualchhunga kái vek niin, kàina hriat loh 30 an awm a, mi pariatin symptom an nei. Kolasib district-a hmuh mi 12 zingah tualchhunga kái 10 awmin, kàina hriat loh paruk leh symptom nei pali an awm.

Serchhip district-a RAT hmanga hmuh mi pangate chu tualchhung kái, kàina hriat loh vek leh symptom nei vek an ni a; Lawngtlai district-a hmuh pathumte pawh tualchhung kái leh kàina hriat loh vek niin, symptom nei lo vek an ni. Mamit district-a hmuh mi pahnih leh Siaha district-a hmuh mi pakhatte pawh tualchhunga kái vek an ni bawk.

Mi 144 zingah naupang kum tling lo 21 aia tlem lo an tel a, chung zingah chuan nausen thla 5 mi pakhat, naute kum 1 mi pakhat leh kum 2 mi pahnih an tel. Kum 70 chung lam pakhat chiah a tel a ni. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,786 hmuh chhuah a ni tawh a, TrueNAT-PCR hmangin 857 leh RAT hmangin 3,532 hmuh chhuah a ni tawh.

May 12, 2021 thlengin Mizoramah swab sample 3,39,065 endik a ni tawh a, chu'ng aṭanga Covid-19 positive hmuh tawh zat 8,176 chu 2.41% a ni. Hripui vei hmuh tawh zinga mi 4,679 chu Mizoram chhunga kái chhâwng an ni a, mi 3,497 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Aizawl district
Armed Veng 1
Bawngkawn 3
Bethlehem Veng 7
Bethlehem Vengthlang 12
Chaltlang Lily Veng 4
Chanmari 3
Chawnpui 5
Chhinga Veng 8
College Veng 5
Damveng 2
Dinthar Veng 4
Electric Veng 1
Khatla 6
Maubawk 5
Ramhlun South 3
Republic Veng 2
Tanhril 1
Tuirial Airfield 3
Tuithiang 1
Ṭhuampui 4
Venghlui 5
Zotlang 1
Ṭhiak 2

Lunglei district
Tlabung Zawlpui 1

Siaha district
College Vaih 1
New Siaha West 1
New Colony 1

Champhai district
Zokhawthar 30

Kolasib district
Kolasib Venglai 2
Kolasib Venglai East 1
Kolasib Diakkawn 1
Rengtekawn 4
Thingdawl 1
Kawnpui 2

Serchhip district
Serchhip Hmarveng 3
North Vanlaiphai 2

Lawngtlai district
Council Veng 1
Lawngtlai-III 1
Vengpui 1

Mamit district
Pûkzíng 2

Saitual district
Saichal 1