COVID-19: Mizoram dinhmun : Hripui vei 201 hmuh belh a ni

May 13, Ningani khan Mizoramah Covid-19 vei mi 201 hmuh chhuah a ni a, May thlaa ni 13 chhungin hripui vei mi 2,247 hmuh chhuah a ni tawh. Nimin khan Covid negative tawh mi 90 chhuahtir an ni.

Covid-19 vei hmuh tharte chu mipa 100 leh hmeichhia 101 an ni a, Aizawla veng 30 leh khaw dang 21-a mite an ni. ZMC laboratory-ah mi 50, TrueNAT-PCR hmangin mi pakua leh RAT hmangin mi 142 hmuh chhuah a ni.

Mi 201 zingah naupang kum tling lo mi 41 aia tlem lo leh kum 60 chung lam mi pasarih aia tlem lo an awm a; chung zingah chuan nausen thla 5 leh a aia naupang mi pathum, naute kum 1 mi leh kum 2 mi pahnih ve ve an tel.

Mizoramah Covid-19 vei mi 8,377 hmuh chhuah a ni tawh a, mipa 5,471 leh hmeichhia 2,906 an ni. Nimin tlai dar 5 thleng khan mi 6,294 (75.13%) chhuahtir an ni tawh a, mi 23 (0.28%) thi tawhin, enkawl mek mi 2,060 (24.59%) an awm.

May 13, Ningania Mizorama swab sample endik dan chu - ZMC laboratory-ah 686, TrueNAT-PCR hmangin district pariatah 169 leh RAT hmangin district 11-ah 1,996 a ni a; a vaiin sample 2,851 (mipa 1,588 leh hmeichhia 1,263) niin, chu'ng aṭanga hripui vei hmuh 201 chu 7.05% a tling.

Mi 201 zinga mi 184 chu Mizorama kái chhâwng an ni a, tun hnaia state pawn aṭanga Mizorama lut mi 17 an awm. Tualchhunga kái zingah hri kàina hriat loh mi 49 an awm a; Covid-19 natna (symptom) lang chhuak mi 118 an awm bawk.

ZMC-a hmuh chhuah mi 50-te chu tualchhunga kái vek an ni a, TrueNAT hmanga hmuh mi pakua zingah tualchhunga kai panga an awm. RAT hmanga Aizawl district-a hmuh zingah tualchhung mi 80, kàina hriat loh 41 leh symp­tom nei 71 an awm a; RAT hmanga Lunglei, Champhai, Kolasib, Serchhip leh Lawngtlai district-a hmuh chhuahte pawh tualchhung vek an ni.

Aizawla veng pakhata hmuh chhuah thar tamna ber Chhinga Vengah chuan mi 30 hmuh chhuah a ni a, ZMC-a hmuh pasarih, Aizawla RAT hmanga hmuh 22 leh Delhi aṭanga haw Airport-a hmuh pakhat an ni. Tlabungah mi 31 hmuh niin, Aizawl páwn lama khaw khata hmuh thar tam berna a ni thung.

Nimin khan tlai dar 5 thlengin hripui laka fihlim tawh mi 90 chhuahtir an ni a; Aizawl aṭangin mi 46, Serchhip district aṭangin 28,Lunglei district aṭangin 11, Lawngtlai aṭangin pali leh Mamit aṭangin mi pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,836 hmuh chhuah a ni tawh a, TrueNAT-PCR hmangin 866 leh RAT hmangin 3,674 hmuh chhuah a ni tawh.

May 12, 2021 thlengin Mizoramah swab sample 3,41,916 endik a ni tawh a, chu'ng aṭanga Covid-19 positive hmuh tawh zat 8,377 chu 2.41% a ni. Hripui vei hmuh tawh zinga mi 4,863 chu Mizoram chhunga kái chhâwng an ni a, mi 3,514 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
Aizawl district
Aizawl Venglai 1
Armed Veng 7
Armed Veng South 4
Bethlehem Veng 3
Bethlehem VT 14
Bungkawn 1
Chaltlang 1
Chanmari 1
Chanmari West 1
Chawnpui 2
Chhinga Veng 30
Dawrpui 2
Dinthar 2
Electric Veng 6
Hlimen 4
Hunthar Veng 3
Khatla 1
Maubawk 1
Ramhlun South 5
Ramthar Veng 2
Saron Veng 6
Salem Veng, Aizawl 2
Tanhril 2
Tanhril (Ramrikawn) 4
Tuikual South 2
Tuivamit 11
Tuivamit (CJ Veng) 5
Ṭhuampui 2
Zarkawt 5
Zotlang 2

Hualngohmun 1
Sihphir Venghlun 2

Lunglei district
Lunglei Chanmari 4
BSF 2
Tlabung 31

Siaha district
Siaha 3

Champhai district
Champhai Vengsang 1
Zokhawthar 5

Kolasib district
Kolasib Banglakawn 2
Rengtekawn 2
Vairengte 2

Serchhip district
Serchhip Chanmari 1
Serchhip Saron Veng 1
New Serchhip 1
Thenzawl 1
Mualcheng 2

Lawngtlai district (3)
Kamalanagar-III 1
Karlui-I 1
Borkolok 1

Mamit district (2)
Rengdil 1
Kanhmun (hnam dang) 1

Saitual district (1)
Keifang 1
Phullen 1

Khawzawl district
Khawzawl 1