BJP-in PM Kisan lawmawm an ti

BJP, Mizoram Pradesh chuan thuchhuah siamin, prime minister Narendra Modi kaihhruai sorkar laipuiin PM Kisan Scheme kaltlanga miretheite bank account-ah pawisa an thunsak leh tur chu lawmawm an tih thu an tarlang.

Mizoram BJP chuan, PM Kisan Scheme atan sorkar laipuiin cheng vbc. 19,000 a ruahman a, chhungkua nuai 950-te account-ah thunsak a ni leh dawn tih an sawi a, "Covid-19 hripui léng vanga India ram kan buai mek lai leh lockdown vanga Mizoram kan buai laia PM Kisan Scheme kaltlanga huan/lo neitute bank account-a sum an rawn thun leh tur hi lawmawm kan ti hle a ni," an ti.

BJP tarlan danin, PM Kisan Scheme hi February 24, 2019-ah kalpui ṭan a ni a, kut hnathawktute account-ah cheng vbc. 1,15,000 thun tum a ni. December 2020 thlengin 7th instalment pek a ni tawh a, chhungkua nuai 900 vel hnenah cheng vbc. 18,000 pek chhuah tawh a ni.