COVID-19: Mizoram dinhmun : May-ah hripui vei 2,550 hmu tawh

May 14, 2021 khan Mizoramah Covid-19 vei mi 123 hmuh chhuah a ni a, May 15, Inrinni khan mi 180 hmuh leh a ni bawk a, May thlaa ni 15 chhungin mi 2,550 hmuh chhuah a ni tawh. Inrinni leh Pathianni khan mi 276 an chhuak a, Inrinni khan mi pakhat a thi thung.

Covid-19 vei May 14, Zirtawpnia hmuh chhuahte chu ZMC labo­ra­tory-a hmuh mi 38, TrueNAT-PCR hmanga hmuh mi paruk leh RAT hmanga hmuh mi 79 an ni a, Aizawla veng 31 leh khaw dang pakuaa mite an ni. Inrinnia hmuhte chu ZMC-a hmuh chhuah mi 66, TrueNAT hmanga hmuh mi 11 leh RAT-a hmuh mi 104 an ni a, Aizawla veng 29 leh khaw dang 17-a mite an ni.

Zirtawpnia hmuh chhuah zingah naupang kum 18 hnuai lam 26 aia tlem lo leh kum 60 chung lam mi 11 aia tlem lo telin, chu'ng zingah chuan nausen thla khat mi leh thla 5 mi pakhat ve ve an tel. Inrinnia hmuh zingah kum 18 la tling lo 38 aia tlem lo leh kum 60 chung lam 18 aia tlem lo an tel a, chu'ng zingah chuan nausen thla 2, thla 3 leh thla 4 mi pakhat ṭheuh an tel.

Mizoramah Covid-19 vei mi 8,679 hmuh chhuah a ni tawh a, mipa 5,628 leh hmeichhia 2,051 an ni. Nimin tlai dar 5 thleng khan mi 6,687 (77.05%) chhuahtir an ni tawh a, mi 24 (0.28%) thi tawhin, enkawl mek mi 1,968 (22.67%) an awm.

May 14, Zirtawpnia Mizorama swab sample endik dan chu - ZMC laboratory-ah 338, TrueNAT-PCR hmangin district parukah 141 leh RAT hmangin district 11-ah 1,182 a ni a; a vaiin sample 1,661 (mipa 1,033 leh hmeichhia 628) niin, chu'ng aṭanga hripui vei hmuh 123 chu 7.40% a tling.

Aizawl district-ah mi mi 101, Lunglei district-ah pahnih, Kolasib district-ah 10, Serchhip district-ah paruk, Khawzawl district-ah pali leh, Champhai leh Hnahthial district-ah pakhat ve ve hmuh chhuah a ni a; naupang kum tling lo 26 aia tlem lo leh kum 60 chung lam mi 11 aia tlem lo hmuh chhuah zinga a tam zawk chu symptom nei an ni.

Mi 123 zinga mi 120 chu Mizorama kái chhâwng an ni a, tun hnaia state pawn aṭanga Mizorama lut mi pathum chiah an tel. Tualchhunga kái zingah hri kàina hriat loh mi 40 an awm a; Covid-19 natna (symptom) lang chhuak mi 58 an awm bawk.

May 15, Inrinnia Mizorama sample endik dan chu - ZMC-ah district pathum aṭanga dawn 963, TrueNAT hmangin district pakuaah 192 leh RAT hmangin district 11-ah 1,309 a ni a; a vaiin sample 2,465 (mipa 1,339 leh hmeichhia 1,126) niin, chu'ng aṭanga hripui vei hmuh 180 chu 7.34% a tling.

Aizawl district-ah mi mi 103, Lunglei district-ah 55, Kolasib district-ah 14, Serchhip district-ah pasarih, Champhai district-ah pahnih leh, Siaha leh Khawzawl district-ah pakhat ve ve hmuh chhuah a ni a; naupang kum tling lo 38 aia tlem lo leh kum 60 chung lam mi 12 aia tlem lo hmuh chhuah zinga a tam zawk chu symptom nei an ni.

Mi 180 zinga mi 165 chu Mizorama kái chhâwng an ni a, tun hnaia state pawn aṭanga Mizorama lut mi 15 chiah an tel. Tualchhunga kái zingah hri kàina hriat loh mi 51 an awm a; Covid-19 natna (symptom) lang chhuak mi 76 an awm bawk.

Nimin khan tlai dar 5 thlengin hripui laka fihlim tawh mi 189 chhuahtir an ni a; Aizawl district aṭangin mi 142, Lunglei district-ah mi 15, Kolasib district 11, Lawngtlai district pakua, Mamit district-ah pasarih leh Saitual district-ah mi panga an chhuak. Inrinni khan mi 87 chhuahtir an lo ni tawh a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,938 hmuh chhuah a ni tawh a, TrueNAT-PCR hmangin 883 leh RAT hmangin 3,857 hmuh chhuah a ni tawh.

May 12, 2021 thlengin Mizoramah swab sample 3,46,042 endik a ni tawh a, chu'ng aṭanga Covid-19 positive hmuh tawh zat 8,679 chu 2.50% a ni. Hripui vei hmuh tawh zinga mi 5,147 chu Mizoram chhunga kái chhâwng an ni a, mi 3,532 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
MAY 14-A HMUH CHHUAH
Aizawl district
Khua/Veng A zat
Aizawl Venglai 1
Armed Veng 6
Armed veng South 1
Bethlehem Veng 3
Bethlehem Vengthlang 4
Bungkawn 2
Chaltlang Lily Veng 1
Chanmari 3
Chanmari West 3
Chhinga Veng 6
Dawrpui 6
Dawrpui Vengthar 5
Edenthar Veng 8
Electric Veng 4
Hlimen 3
Hunthar Veng 2
Khatla 1
Khatla South 1
Mission Veng 1
Mission Vengthlang 1
Ramhlun North 1
Ramhlun South 7
Ramthar Veng 2
Republic Veng 1
Republic Vengthlang 3
Saron Veng 1
Tuivamit CJ Veng 3
Ṭhuampui 3
Vaivakawn 1
Venghlui 1
Zarkawt 9

Sairang Dinthar 3
Sairang Venglai 5

Lunglei district
Serkawn 2

Champhai district
Tlangsam 1

Kolasib district
Rengtekawn 4
Vairengte 1

Serchhip district
Chhingchhip 6

Khawzawl district
2nd IR, Khawzawl 4

Hnahthial district
Rotlang East 1

MAY 15-A HMUH CHHUAH
Aizawl district
Khua/Veng A zat
Armed Veng South 2
Bawngkawn South 1
Bethlehem Veng 1
Bethlehem Vengthlang 5
Bungkawn 3
Chanmari 7
College Veng 3
Dawrpui 3
Dinthar 2
Durtlang Leitan 4
Edenthar Veng 2
Electric Veng 2
Falkland Veng 3
Govt. Complex 2
Hunthar Veng 11
Khatla 1
Mizoram University 1
Ramthar Veng 7
Saron Veng 1
Tanhril Ramrikawn 2
Thakthing Veng 1
Tuikual North 5
Tuikual South 11
Tuivamit CJ Veng 4
Tuithiang 2
Ṭhuampui 1
Venghlui 9
Zemabawk 1
Zonuam 1
Sihphir Venghlun 1
Sairang 2
Tuirial (CRPF) 1
Suangpuilawn 3

Lunglei district
Bazar Veng 2
Chanmari 2
College Veng 1
Rahsi Veng 1
Serkawn 1
Theiriat 1
Zotlang (BSF) 1
Tlabung 37
Nunsury 6
Andermanik 1

Siaha district
New Colony 1

Champhai district
Ruantlang 1
Zokhawthar 1

Kolasib district
Kolasib Electric Veng 1
Kolasib Vengthar 1
New Diakkawn 2
Rengtekawn 1
Kawnpui (Mualvùm) 1
Kolasib 3

Serchhip district
Chhingchhip 7
North Vanlaiphai 1
Dawngzawl (BSF) 1

Khawzawl district
Kawlkulh 1