ASF vei vawk 11 tihhlum an ni

17th May, 2021

Nimin khan K Lalngheta vawk farm Dihmunzawlah African Swine Fever (ASF) vangin vawk 11 kahhlum an ni.

AH & Vety dept. tarlan danin, K Lalngheta vawk farm-ah hian May 14 aṭang khan ASF vangin vawk pathum an thi a, hemi kaihhnawihah hian ASF symptoms nei vawk 11 chu nimin khan kahhlum an ni. Farm huam chhungah hian an phum bo nghal.

Vawk hri kaite hi AH&Vety deputy director Dr M Zohmingthangi (DI&E) leh veterinary officer Dr Esther Lalzoliani (DI&S)-te kaihhruaiin National Action Plan zulzuia tihhlum an ni.

K Lalngheta vawk farm-ah hian vawk puitling 71 leh a note pahnih a awm a, tunah hian vawk damlai 59 an la nei a ni.