Containment zone thar Tlabung

Lunglei district bawrhsap Kulothungan A chuan nimin khan thupek chhuahin, Tlabung khua chu Covid-19 contain­ment area-ah a puang. Tlabungah hian hripui vei mek mi 124 an awm.

Tlabung Post Editor hnen aṭanga thu dawn danin, Tlabungah hian May 1 aṭanga nimin thleng khan Covid-19 positive mi 148 hmuh chhuah a ni tawh a; chu'ng zinga 23 chu damin an chhuak tawh a, mi pakhat thi tawhin, enkawl mek mi 124 an awm a ni.

Nimin lama swab sample endik result chhuakah Tlabungah hian hripui vei hmuh chhuah thar mi 43 an awm a; chu'ng zinga mi 10 chu Tlabung CCC-ah awmin, mi 33 chu mahni in lamah an inenkawl zui dawn a ni.