Mosque sak zawm phal lo turin sorkar ngen

MZP chuan thuchhuah siamin, Bairabi Zophai leh a chhehvela Mosolman biak-in satute'n sak chhunzawm leh tura Mizoram sorkara an dilna remtihsak lo turin Mizoram sorkar an ngen.

MZP chuan, Mizoram ramri chinfel a nih theihna tura sorkarin hmalak a intiamna leh hmalakna ngaichâng rih tura a ngenna chu an ngaihtuah tih sawiin, "Awmze neia hmalakna a awm loh chuan MZP chu a ṭul anga che chhuak turin a inbuatsaih reng a ni," an ti.

Ram tam tak leh India ram hmun ṭhenkhata COVID-19 (Coronavirus) léng chungchangah MZP chuan, COVID-19 laka Mizoram a him theih nan Mizo mipui leh zirlaite fimkhur turin a chah a, "Elementary chinah phei chuan invenna hmanrua - mask leh hand sanitizer zirlai naupangteah sem ni se, a hman dan pawh felfai taka inzirtir ni se kan duh," an ti a; sorkar thuneitute chu zirlai naupangte leh mipui him nan chak taka hma la turin an ngen a ni.