Hlawh thawh thei lo tan DDO hnenah hriattir tur

Federation of Mizoram Govern­ment Employees & Wor­kers (FMGEW) leh Finance department chuan, Chief Secretary kaihhruai­na hnuaiah Covid-19 dona atana sorkar hnathawkte'n an ni khat hlawh an thawh dan turah rua­hmanna an siam a; hlawh thawh thei lo turte chu an depart­ment-a drawing & disbursing officer (DDO) hriattir turin an chah.

Chief Secretary hoa Finance department official-te'n FMGEW hruaitute an ngen angin, FMGEW chuan an hnuaia pawl hrang hrang hruaitute chu May 6, 2021 khan Vanapa Hall-ah an kokhawm a; Covid-19 dona atan ni khat hlawh thawh an remti a ni. Hlawh thawh dan tur kalphung erawh rèl fel nghal a ni lo.

May 6-a an thutlukna bawhzui hian Chief Secretary kaihhruaina hnuaiah FMGEW office bearer leh Finance department hotute'n sorkar hnathawkte'n hlawh an thawh dan turah hian ruahmanna an siam a; sorkar hnathawk zingah harsatna avanga pe thei lo tur chuan an DDO hnenah ziakin lo thlen mai se, an ti.