COVID-19: Mizoram dinhmun : Hripui vei 150 hmuh belh a ni
May 16, Pathianni khan Mizoramah Covid-19 vei 150 hmuh chhuah a ni a, May thla chhungin mi 2,700 hmuh chhuah a ni tawh. Nimin khan hripui laka fihlim tawh mi 245 chhuahtir an ni a; mi pahnih an thi thung.
Covid-19 vei hmuh tharte chu mipa 65 leh hmeichhia 85, Aizawla veng 28 leh khaw dang 19-a mite an ni a; TrueNAT-PCR hmanga hmuh mi pariat leh RAT hmanga hmuh mi 142 an ni. ZMC laboratory-ah swab sample endik a ni lo.
Mi 150 zingah naupang kum tling lo mi 31 aia tlem lo an awm a; kum 60 chung lam mi pariat aia tlem lo an tel a, kum 80 chung lam pali awmin, symptom nei vek an ni. Hripui vei hmuh zinga upa ber chu kum 97 mi a ni a, naupang ber chu nausen thla 3 mi a ni.
Mizoramah Covid-19 vei mi 8,829 hmuh chhuah a ni tawh a, mipa 5,693 leh hmeichhia 3,136 an ni. Nimin tlai dar 5 thleng khan mi 6,932 (78.51%) chhuahtir an ni tawh a, mi 26 (0.29%) thi tawhin, enkawl mek mi 1,871 ((21.20%) an awm.
May 16, Pathiannia Mizorama swab sample endik dan chu - TrueNAT-PCR hmangin district pangaah 85 leh RAT hmangin district pariatah 514 a ni a; a vaiin sample 599 (mipa 345 leh hmeichhia 254) niin, chu'ng aṭanga hripui vei hmuh 150 chu 25.04% a tling.
Hripui vei mi 150-te chu Aizawl district-a hmuh 110, Lunglei district-a hmuh pariat, Siaha district-a hmuh paruk, Kolasib district-a hmuh 14, Serchhip district-a hmuh pali leh Saitual district-a hmuh pariat an ni.
Mi 150 zinga mi 141 chu Mizorama kái chhâwng an ni a, tun hnaia state pawn aṭanga Mizorama lut mi pakua chiah an awm. Tualchhunga kái zingah hri kàina hriat loh mi 71 an awm a; Covid-19 natna (symptom) lang chhuak mi 94 an awm bawk.
Sorkar thuchhuah tarlan danin, Pathiannia Covid-19 positive hmuh chhuah zingah Thingdawl, Kolasib district-a nupa, mipa kum 75 leh hmeichhia kum 70 mi an tel a, an pahnihin hri kàina hriat chian loh, symptom nei lo an ni. Hmeichhia zawk erawh chu Pathianni zan zanlai pelh hnu, zing dar 1:30 velah SRH-ZMC panpui a nih laiin a thi a ni.
Nimin khan tlai dar 5 thlengin hripui laka fihlim tawh mi 245 chhuahtir an ni a; Aizawl district aṭangin mi 163, Serchhip district-ah 57, Kolasib leh Lawngtlai district-ah mi pasarih ve ve, Lunglei district-ah mi paruk, Siaha leh Khawzawl district-ah mi pahnih ve ve leh Saitual district-ah mi pakhat an chhuak.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,938 hmuh chhuah a ni tawh a, TrueNAT-PCR hmangin 891 leh RAT hmangin 3,999 hmuh chhuah a ni tawh.
May 16, 2021 thlengin Mizoramah swab sample 3,46,641 endik a ni tawh a, chu'ng aṭanga Covid-19 positive hmuh tawh zat 8,829 chu 2.54% a ni. Hripui vei hmuh tawh zinga mi 5,288 chu Mizoram chhunga kái chhâwng an ni a, mi 3,541 chu Mizoram páwn aṭanga an rawn luh hnua hmuh chhuah an ni thung.
COVID-19 VEI HMUH THARTE
AIZAWL DISTRICT
Aizawl Venglai 1
Bawngkawn 2
Bethlehem VT 4
Bungkawn 3
Central Jail Veng 1
Chanmari 2
Chanmari West 2
Chawlhhmun 5
Chawnpui 7
Chhinga Veng 16
Dawrpui 3
Edenthar Veng 5
Electric Veng 2
Hunthar Veng 3
Maubawk 6
Mission Vengthlang 2
Ramhlun South 2
Ramthar Veng 11
Republic Veng 2
Republic Vengthlang 2
Saron Veng 1
Tanhril 1
Tuikual North 5
Tuikual South 2
Tuithiang 10
Tuivamit 1
Ṭhuampui 1
Zarkawt 3
Khawruhlian 1
Sesawng Vengthar 4
LUNGLEI DISTRICT
BSF, Melte 1
Nunsury 6
Tlabung 1
SIAHA DISTRICT
College Vaih 1
New Siaha East-II 1
Meisatla, Siaha 1
Saikao 1
Siaha New Colony 1
Siahatla 1