Hnahthial DC hoin lockdown kalpui dan tur rêl

Hnahthial district bawrhsap H Dolianbuaia, District Task Force chairman ni bawk hoin May 16, Pathianni khan DTF member-te leh village task force hruaitute DC conference hall-ah an ṭhu a, total lockdown kalpui tawh dan leh kalpui zel dan tur an sawiho.

H Dolianbuaia chuan, Hnahthial district-a VTF zawng zawng hnenah South Tuipui bialtu MLA Dr R Lalthangliana, Health minister-in ṭanpuina Rs. 5,000 ṭheuh a pek thu a sawi.

Ṭhutkhawma tarlan danin, Hnahthial CCC-ah Covid-19 vei pakhat enkawl mek a ni a, symptom a nei lo. Hnahthial district-a VTF ṭhenkhatin an khua/venga chhungkaw ṭhenkhat hnenah buhfai leh chawhmeh an pe nual tawh a ni.