Ṭanpuina pe turin sorkar phût

PC party chuan thuchhuah siamin, lockdown avanga rethei leh khawsak harsa zualte chhawmdawlna tur Mizoram sorkarin a siam ṭul an tih thu an tarlang a; thla khat chhung inkhuahkhirhnain chhungkaw tam tak ei leh bàr zawng thei loa a hrêk behte a rang thei ang bera ṭanpui turin Mizoram sorkar an phût.

PC party chuan, "Mi harsa zual chhawmdawl ngai ṭhinte, chhungkua, khawtlang, kohhran leh páwlte'n ṭanpuina thilpek an hlan ṭhin ringawtah innghat lo a, chhawmdawlna leh ṭanpuina atan ruahmanna hranpa siam thuai turin Mizoram sorkar kan phût a ni," an ti.