Hripui vei 239 hmuh belh a ni : Hmuh chhuah tam ber ní a thleng

May 17, Thawhṭanni khan Mizoramah Covid-19 vei mi 239 hmuh chhuah a ni a, hmuh chhuah tam ber ní niin, mi 236 chu Mizoram chhunga kái an nih bakah, mi 173 chu symptom nei an ni. Nimin khan hripui vei mi pahnih an thi a, mi 126 chu dam taka chhuahtir an ni thung.

Covid-19 vei hmuh tharte chu mipa 118 leh hmeichhia 121 niin, Aizawla veng 40 leh Aizawl páwn lam khaw dang 13-a mite an ni a; ZMC laboratory-a hmuh chhuah mi 35, TrueNAT-PCR hmanga hmuh mi panga leh RAT hmanga hmuh mi 199 an ni.

Mizoramah Covid-19 vei mi 9,068 hmuh chhuah a ni tawh a, mipa 5,811 leh hmeichhia 3,257 an ni. Nimin tlai dar 5:00 thleng khan mi 7,058 (77.83%) chhuahtir an ni tawh a, mi 29 (0.32%) thi tawhin, enkawl mek mi 1,981 (21.85%) an awm.

May 17, Thawhṭannia Mizorama swab sample endik dan chu - ZMC laboratory-ah 1,077, TrueNAT-PCR hmangin district pangaah 216 leh RAT hmangin district 11-ah 2,373 a ni a; a vaiin sample 3,666 (mipa 2,022 leh hmeichhia 1,644) niin, chu'ng aṭanga hripui vei hmuh 239 chu 6.52% a tling.

Hripui vei mi 239-te chu Aizawl district-a hmuh chhuah mi 214, Serchhip district-a hmuh pasarih, Lunglei district-a hmuh panga, Mamit district-a hmuh pali, Champhai district-a hmuh pathum, Kolasib, Lawngtlai leh Saitual district-a hmuh pahnih ṭheuh an ni. Mi 239 zinga mi 236 chu Mizorama kái chhâwng an ni a, tun hnaia state pawn aṭanga Mizorama lut mi pathum chiah an awm. Tualchhunga kái zingah hri kàina hriat loh mi 95 an awm a; Covid-19 natna (symptom) lang chhuak mi 173 an awm bawk.

ZMC-a hmuh chhuah mi 35-te chu positive nena inkungkaihna nei vek leh symptom nei lo vek an ni a; RAT hmanga Aizawl district-a hmuh mi 179-te tualchhunga kái vek niin, kàina hriat loh 95 an awm a, symptom nei mi 169 an awm. Hripui vei hmuh thar zingah hian healthcare worker mi pali an tel a ni.

Nimin khan tlai dar 5 thlengin hripui laka fihlim tawh mi 126 chhuahtir an ni a; Aizawl district-ah mi 81, Siaha district-ah 15, Lunglei district-ah 11, Serchhip-ah pasarih leh, Lawngtlai leh Saitual district-ah mi paruk ve ve an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,973 hmuh chhuah a ni tawh a, TrueNAT-PCR hmangin 896 leh RAT hmangin 4,198 hmuh chhuah a ni tawh.

May 17, 2021 thlengin Mizoramah swab sample 3,50,304 endik a ni tawh a, chu'ng aṭanga Covid-19 positive hmuh tawh zat 9,068 chu 2.58% a ni. Hripui vei hmuh tawh zinga mi 5,524 chu Mizoram chhunga kái chhâwng an ni a, mi 3,544 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Aizawl district
Armed Veng 3
Armed Veng South 14
Bawngkawn 4
Bawngkawn South 6
Bethlehem Veng 3
Bethlehem Vengthlang 6
Bungkawn 6
Chaltlang 1
Chaltlang Lily Veng 6
Chanmari 1
Chawnpui 2
Chhinga Veng 6
College Veng 1
Dawrpui 3
Dawrpui Vengthar 1
Dinthar 3
Durtlang 2
Durtlang North 1
Edenthar Veng 4
Electric Veng 24
Falkland Veng 11
Govt. Complex 1
Hunthar Veng 4
Laipuitlang 2
Maubawk 11
Ramhlun South 9
Ramhlun Venglai 1
Ramthar Veng 19
Republic Veng 5
Saikhamakawn 1
Saron Veng 10
Tanhril 5
Tuikual North 1
Tuikual South 1
Tuithiang 11
Tuivamit 3
Tuivamit CJ Veng 8
Vaivakawn 1
Venghlui 1
Zarkawt 2
Zemabawk 1
Zemabawk (CRPF) 1
Falkawn 1
Sihhmui 1

Lunglei district
Electric Veng 2
BSF, Zotlang 1
Bazar Veng 2

Champhai district
Champhai Vengthar 3

Kolasib district
Kolasib 1
Kolasib Venglai East 1
New Diakkawn 1

Serchhip district
Chhingchhip 5
Serchhip Chanmari 1

Lawngtlai district
M Kawnpui 1
Kamalanagar-IV 1

Mamit district
Luangpawl 3
Tripura (Kanhmun) 1

Saitual district
Tualbung 4

Khawzawl district
Khawhai 1