Covid-19 vei mi 2 thih belh

Mizorama Covid-19 vei, State Referral Hospital (ZMC)-a enkawl mek zinga mi pahnih chu nimin khan an thi a, nimin vêk khan vui an ni. Sorkar chhinchhiah danin, Mizoramah hripui vei zinga mi 29 an thi tawh.

Covid-19 vei enkawl mek C Lalthanzami (67) w/o K Zonunmawia, Tanhril chu nimin zing dar 1:30 khan a thi a, nimin chawhma dar 10 khan Tanhril Presbyterian Kohhran biak-in tualah vui a ni. C Lalthanzami hi hripui vei a ni tih April 16, 2021-ah hmuh chhuah a ni a, a tûk April 17-ah SRH-ZMC-ah dah luh a ni a, zunthlum a nei tel tih sorkar thuchhuahin a tarlang.

Nimin vek, chhun dar 11:50 khan hripui vei enkawl lai C Lalzuia (63) h/o Kaptluangi, Dinthar pawh SRH-ZMC-ah a thi a, nimin tlai dar 4 khan Dinthar thlànmualah vui a ni. Sorkar thuchhuah tarlan danin, C Lalzuia hi zunthlum leh thin ṭha lo nei sa a ni a; Covid-19 positive a ni tih May 7, 2021-ah hmuh chhuah niin, SRH-ZMC ICU-ah dah luh nghal a ni.