Mizorama Covid-19 vei zingah Civilian mi 95.59% an awm
Integrated Disease Surveillance Programme (IDSP) chhinchhiah danin, nimin zing dar 5 thleng khan Mizoramah Covid-19 vei mi 9,068 an awm tawh a, chung zinga 7,478 (95.59%) chu tualchhung (civil) mi an ni.
Covid-19 vei zinga civilian mi 7,478 zinga mi 5,435 chu enkawlna hmun aṭangin dam takin an chhuak tawh a, enkawl mek mi 1,909 awmin, mi 29 an thi tawh.
Civilian dawta hripui vei tam ber chu Border Security Force (BSF) mi niin, mi 618 hmuh chhuah a ni tawh a, mi 600 dam tawhin, enkawl mek 18 an awm.
Frontline worker zingah mi 202-in Covid-19 an vei tawh a, mi 181 dam tawhin enkawl mek 21 an awm.
