Containment zone puan belh

Aizawla veng pahnih - Armed Veng leh Ramhlun South-a Covid-19 inkài darh tamna hmuna ngaihte chu Aizawl bawrhsap Dr Lalhriatzuali Ralte-in nimin khan Covid-19 containment zone-ah a puang.

Containment zone huam chhunga harsatna nei chuan incident commander hriattir tur a ni tih tarlan a ni a; incident commander chu Armed Veng tan Lalhruaitluangi phone no. 9862614255 leh Ramhlun South tan Lalfakzuala phone no. 9862680482-te an ni.

Containment zone
1. Armed Veng (Section-A): Armed Veng North Presbyterian Kohhran biak-in ep, kawng thlang lam leh kawng chhak lam hmun ṭhenkhat.

2. Ramhlun South (Section-Y): Section-Y main road chhak lam te, Carmel road kawng chhak lam leh kawng thlang lam hmun ṭhenkhat, Presbyterian Kohhran biak-in kawng hnuai telin.