Ramri kâna inkal pawh khap a ni

Champhai district magistrate SL Naveen chuan Cr.PC Section 144 tlawhchhanin nimin khan thupek a chhuah a, India leh Myanmar inkal pawhna Zokhawthar kai tih loh Champhai district-a hmun dang aṭangin ramri kâna inkal pawh (luh leh chhuah) khap a nih thu a puang.

Champhai District Magis­trate thupek chuan, India leh Myanmar ramri kaltlang phalna special permit neite chuan Zokhawthar lei kal­tlang chauhin ramri an kan tur a nih thu leh, lei kaltlangte chu COVID-19 an kai leh kai loh enfiah vek tur a nih thu a tarlang a, "Ni tin mamawh phurte erawh chu COVID-19 screening neih hnuah kaltlang phalsak theih a ni ang," a ti.

Zokhawthar lei kaltlang apiangte chuan Zokhawthar police checkgate-ah an hming, address leh phone number-te ziah luh ngei ngei tur a nih thu a tarlang bawk. Thupek zâwm lote chu IPC Section 188 hmanga hrem theih an ni.