Mi 1,300 velin Mizoram chhuahsan

Mizo tangkhangte Goa aṭanga rawn phur thlengtu rél hmangin Mizorama tangkhang hnam dang ṭhahnem tak chu an state-a haw turin Mizoram a chhuahsan.

Thu dawn danin, Mizorama tangkhang hnam dang, nimina Bairabi aṭanga hawte hi mi 1,390 vel an ni a, Jharkhand mi an tam ber a, state dang mi eng emaw zat an awm bawk. An state-a thawn haw turte hi May 31, Pathianni aṭang khan Mizoram hmun hrang hrang aṭangin Bairabi-ah phurh khawm ṭan a ni a, Baibari khawtlangin ei leh in tur an lo buatsaihsak a ni.