KHAWTHLIR

Thisen pe

Kolasib College NSS unit chuan nimin khan Kolasib District Hospital blood bank-ah thisen an pe a, hmeichhia panga leh mipa pahnihte'n unit sarih an pe. Civil Hospital, Aizawl blood bank-ah individual voluntary donor mipa pariat leh hmeichhia pakhat an awm bawk.

CM Relief Fund

Chief Minister's Relief Fund for Covid-19 ah nimin khan MLA pasarih - Lalrindika Ralte, C Ngun­lianchunga, VL Zaithanzama, Lalchhuanthanga, Dr Vanlalthlana, Vanlalhlana leh C Lalsawivunga ten Rs. 15,000 ṭheuh an thawh. MNF sub-hqrs., Lungleiin leh Wesleyan Methodist Church, Aizawlin Rs. 50,000 ve ve an thawh bakah, mimala thawh mi pahnih an awm a; nimina lut zawng zawng chu Rs. 2,27,000 a ni. Nimin thlenga CMRF-a sum thawh tawh zat chu Rs. 233,267,954 a ni a, Rs. 22,25,10,970 hman tawh niin, hman loh Rs. 1,07,56,984 a la awm.

Sticker târ tur

Aizawl DC chuan, Aizawl district-ah buhfai, chini leh khawnvartuite khaihlak loa sem a nih theih nan public distribution sysytem hnuaia mamawh phurtute chu lirtheiah PDS sticker tár turin a hriattir a; duty-te enfiah theih turin delivery order/despatch challan neih a ṭul thu a tarlang bawk.

Containment zone

Aizawl bawrhsap Dr Lalhriatzuali Ralte chuan, Ramthar Venga Neuva Section hmun ṭhenkhat chu Covid-19 containment zone-ah nimin tlai khan a puang.

Covid-19 do sawiho

Covid-19 avanga Aizawl East-II biala harsatna hrang hrangte chu nimin khan bialtu MLA Robert Romawia Royte kaihhruaiin ram leh khawtlang hruaitute'n an sawiho a, sorkar leh khawtlang ṭanho a pawimawh thu an sawi. East-II bialah hian hripui vei mi 350 vel an awm mek. Meeting-ah hian Aizawl East-II bial chhunga councillor pahnih - B Lalawmpuii leh Christina Roluahpuii Sailote bakah, department hrang hrang aiawh leh veng pasariha local task force chairman-te an tel a ni.