Covid-19 vei mi 1 thih belh

Covid-19 vei, State Referral Hospital (ZMC)-a enkawl lai Lalrinpuia (71) h/o Lalchungnungi, Ṭhiak, Aizawl district chu nimin chawhma dar 10:10 khan a thi a, nimin vêk khan vui a ni.

Lalrinpuia hi Covid-19 positive a ni tih May 12, 2021 khan Civil Hospital, Aizawlah hmuh chhuah a ni a, SRH-ah sawn nghal niin, May 18 khan ICU-ah dah luh a ni. Amah hi rílpui TB nei ṭhin a nih thu sorkar thu­chhuahin a tarlang. Sorkar chhinchhiah angin Mizo­ramah Covid-19 vei thi mi 30 an awm ta a ni.