COVID-19: Mizoram dinhmun Hripui vei 184 hmuh belh a ni
May 18, Thawhlehni khan Mizoramah Covid-19 vei mi 184 hmuh chhuah a ni a, kumin May thlaah mi 3,121 hmuh chhuah a ni tawh. Nimin khan dam takin mi 87 chhuahtir an ni a, mi pakhat a thi thung.
Covid-19 vei hmuh thar mipa 94 leh hmeichhia 90-te chu Aizawla veng 30 leh khaw dang 18-a mite an ni a; ZMC laboratory-a hmuh chhuah mi 82, TrueNAT-PCR hmanga hmuh mi pali leh RAT hmanga hmuh mi 98 an ni.
Mi 184 zingah naupang kum tling lo mi 45 aia tlem lo an awm a, nausén kum khat tling lo mi pahnih an tel. Kum 60 chung lam mi paruk aia tlem lo telin, a upa ber chu kum 89 a ni a, kum upate zinga a tam berin symptom an nei.
Kumin May thlaah hripui vei mi 3,121 hmuh chhuah a ni tawh a, chawhrualin ni tin mi 173.39 zel hmuh chhuah an awm ang a ni. Ni 18-ah mi 200 aia tam hmuh chhuah ṭum ni nga a awm a; ni hnih chiah mi 100 aia tlem hmuh chhuah ṭum awmin, chu'ngte chu ZMC-a sample endik loh ní, Pathianni ve ve a ni.
Mizoramah Covid-19 vei mi 9,252 hmuh chhuah a ni tawh a, mipa 5,905 leh hmeichhia 3,347 an ni. Nimin tlai dar 5:00 thleng khan mi 7,181 (77.62%) chhuahtir an ni tawh a, mi 30 (0.32%) thi tawhin, enkawl mek mi 2,041 (22.06%) an awm.
May 18, Thawhlehnia Mizorama swab sample endik dan chu - ZMC laboratory-ah Aizawl leh Kolasib district aṭangin 800, TrueNAT-PCR hmangin district 10-ah 248 leh RAT hmangin district 11-ah 1,598 a ni a; a vaiin sample 2,598 (mipa 1,342 leh hmeichhia 1,256) niin, chu'ng aṭanga hripui vei hmuh 184 chu 7.12% a tling.
Hripui vei mi 184-te chu Aizawl district-a hmuh chhuah mi 127, Kolasib district-a hmuh 36, Lawngtlai district-a hmuh pasarih, Serchhip district-a hmuh panga, Saitual district-a hmuh pathum, Lunglei district-a hmuh pahnih leh, Siaha, Champhai, Mamit leh Khawzawl district-a hmuh pakhat ṭheuh an ni.
Mi 184 zinga mi 181 chu Mizorama kái chhâwng an ni a, tun hnaia state pawn aṭanga Mizorama lut mi pathum chiah an awm. Tualchhunga kái zingah hri kàina hriat loh mi 00 an awm a; Covid-19 natna (symptom) lang chhuak mi 75 an awm bawk.
ZMC-a hmuh chhuah mi 82-te chu tualchhunga positive nena inkungkaihna nei vek leh symptom nei lo vek an ni a, TrueNAT hmanga hmuhte pawh symptom nei lo vek an ni. RAT hmanga hmuh chhuah mi 98-te chu tualchhunga kai vek an ni a, an zingah kaina hriat loh mi 53 an awm. Hripui vei hmuh chhuah tharte zingah hian SRH-ZMC-a thawk mi pathum an tel a ni.
Nimin khan tlai dar 5 thlengin hripui laka fihlim tawh mi 87 chhuahtir an ni a; Aizawl district-ah mi 67, Khawzawl district-ah 10, Lunglei district-ah panga, Siaha district-ah pathum leh Serchhip district-ah mi pahnih an chhuak.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 4,055 hmuh chhuah a ni tawh a, TrueNAT-PCR hmangin 900 leh RAT hmangin 4,296 hmuh chhuah a ni tawh.
May 18, 2021 thlengin Mizoramah swab sample 3,52,904 endik a ni tawh a, chu'ng aṭanga Covid-19 positive hmuh tawh zat 9,252 chu 2.62% a ni. Hripui vei hmuh tawh zinga mi 5,705 chu Mizoram chhunga kái chhâwng an ni a, mi 3,574 chu Mizoram páwn aṭanga an rawn luh hnua hmuh chhuah an ni thung.
COVID-19 VEI HMUH THARTE
Aizawl district
Aizawl Venglai 8
Armed Veng 1
Armed Veng South 7
Bawngkawn 12
Bethlehem Veng 1
Bungkawn 6
Chaltlang Lily Veng 2
Chanmari 1
Chawnpui 2
Chhinga Veng 23
College Veng 2
Damveng 1
Dawrpui 6
Dinthar 4
Durtlang Leitan 1
Edenthar Veng 1
Hunthar Veng 6
ITI Veng 2
Kanan Veng 2
Khatla South 2
Luangmual 7
Mission Vengthlang 1
Ramhlun Vengthar 1
Ramthar Veng 7
Saron Veng 2
Tuithiang 9
Ṭhuampui 2
Venghlui 3
Zarkawt 1
Zotlang 1
Falkawn 3
Làmchhip 1
Lunglei district
Tlabung Venglai 2
Siaha district
Tipa (Tuipang) - II 1
Champhai district
Khuangleng 1
Kolasib district
Bairabi 2
Bairabi Ramhlun Veng 22
Bairabi Ramthar Veng 3
Bairabi Helipad Veng 3
Bairabi Bethlehem Veng 2
Bairabi Mission Veng 1
Kolasib Electric Veng 1
Thingdawl 1
Serchhip district
Chhingchhip 2
Keiṭum 3
Lawngtlai district
Lawngtlai Bethel Veng 1
Paithar 1
Nalbonya 1
Chamdûrtlang 1
Saizawh East 1
Phura 2
Saitual district
Phullen 1
Khawzawl district
Khawhai 1
Saitual district
Keifang 1
Dilkhan 1
Mamit district
Kanchanpur/Kanhmun 1