Supply kudam khâr rih

Zuangtuia Supply kudam chu buhfai hlángthla ṭhin muṭia zinga Covid-19 vei an awm avangin khâr rih a ni. FCSCA director Ramdinliani hnen aṭanga Vanglaini thu dawn danin, kudama thawk ṭhin muṭia zingah hripui vei hmuh chhuah a nih avang hian a kaihhnawihte chhui nghal a ni a, Building-I lam chu a him rih a, Building-II lamah hripui laka him lo an awm. Vawiin hian Health department-in kudama thawkte sample endik rûnpui an neih dawn bakah, hmunhmate an phuh thianghlim nghal dawn. Kudam hawn leh hun turah chuan Health department thuràwn lak a ni ang. (Thlalatu: Alfred Vanchhawng)