Covid-19: Mizoram dinhmun Hripui vei 192 hmuh belh a ni

May 19, Nilaini khan Mizoramah Covid-19 vei mni 192 hmuh chhuah a ni a, kumin May thla chhungin mi 3313 hmuh chhuah a ni tawh. Hripui laka fimhlim tawh nimin khan mi 70 chhuahtir an ni.

Covid-19 vei hmuh tharte chu mipa 93 leh hmeichhia 99 niin, Aizawla veng 35 leh khaw dang 11-a mite an ni a; ZMC laboratory leh TrueNAT-PCR hmanga hmuh chhuah mi panga ve ve leh, RAT hmanga hmuh mi 182 an ni.

Sorkar thuchhuaha a lan danin, mi 192 zingah naupang 28 aia tlem lo awmin, nausen thla 5 mi pakhat a tel a; kum 60 chung lam 14 aia tlem lo telin, a upa ber chu kum 87 a ni. Kum 60 chung lam zinga a tam zawkin symptom an nei.

Mizoramah Covid-19 vei mi 9,444 hmuh chhuah a ni tawh a, mipa 5,998 leh hmeichhia 3,446 an ni. Nimin tlai dar 5:00 thleng khan mi 7,341 (77.73%) chhuahtir an ni tawh a, mi 30 (0.32%) thi tawhin, enkawl mek mi 2,073 (21.95%) an awm.

May 19, Nilainia Mizorama swab sample endik dan chu - ZMC labo­ratory-ah Aizawl district-a sample lâk 45, TrueNAT-PCR hmangin district pasarihah 171 leh RAT hmangin district 11-ah 1,406 a ni a; a vaiin sample 1,622 (mipa 916 leh hmeichhia 706) niin, chu'ng aṭanga hripui vei hmuh 192 chu 11.90% a tling.

Hripui vei mi 192-te chu Aizawl district-a hmuh chhuah mi 158, Kolasib district-ah 15, Saitual district-ah pasarih, Serchhip leh Lawngtlai district-ah pali ve ve, Siaha district-ah pahnih leh, Mamit leh Khawzawl district-ah pakhat ve ve an ni a; Lunglei, Champhai leh Hnahthial district-ah hmuh chhuah a ni lo.

Mi 192 zinga mi 188 chu Mizorama kái chhâwng an ni a, tun hnaia state páwn aṭanga Mizorama lut mi pali chiah an awm. Tualchhunga kái zingah hri kàina hriat loh mi 83 an awm a; Covid-19 symptom nei mi 167 (86.98%) an awm bawk.

ZMC-a hmuh chhuahte chu tual­chhunga kai vek an ni a, an zinga pakhat chu Electric Venga mipa kum 80 mi, hripui vei rinhlelh sa a nih avanga SRH-ZMC Risk Ward-a enkawl lai, symptom nei a ni. RAT hmanga hmuh chhuah mi 182 zinga 179 chu tualchhung kái an ni a, hri kàina hriat loh 78 an awm.

Nimin khan tlai dar 5 thlengin hripui laka fihlim tawh mi 70 chhuahtir an ni a; Aizawl district-ah mi 22, Lunglei district-ah mi 24, Siaha district-ah pariat, Khawzawl district-ah pasarih, Lawngtlai district-ah pathum leh, Serchhip, Mamit leh Saitual district-ah mi pahnih ṭheuh an chhuak a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 4,060 hmuh chhuah a ni tawh a, TrueNAT-PCR hmangin 905 leh RAT hmangin 4,478 hmuh chhuah a ni tawh.

May 19, 2021 thlengin Mizoramah swab sample 3,52,904 endik a ni tawh a, chu'ng aṭanga Covid-19 positive hmuh tawh zat 9,444 chu 2.66% a ni. Hripui vei hmuh tawh zinga mi 5,893 chu Mizoram chhunga kái chhâwng an ni a, mi 3,551 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Aizawl district
Aizawl Venglai 8
Armed Veng 8
Armed Veng South 5
Bawngkawn 4
Bethlehem Veng 5
Bethlehem Vengthlang 4
Bungkawn 2
Chaltlang Lily Veng 1
Chanmari 1
Chhinga Veng 15
College Veng 1
Dawrpui 8
Dawrpui Vengthar 4
Dinthar 2
Electric Veng 10
Hunthar Veng 5
ITI Veng 1
Kanan Veng 1
Khatla 2
Maubawk 3
Mission Veng 1
Muanna Veng 3
Ramhlun South 4
Ramthar Veng 10
Rangvamual 1
Republic Veng 6
Saron Veng 15
Tuikual North 1
Tuikual South 10
Tuithiang Veng 7
Tuivamit 1
Ṭhuampui 2
Venghlui 3
Zarkawt 2
Zonuam 1
Sialsuk 1

Lunglei district
Lunglei 1

Siaha district
College Vaih 1
New Colony 1

Kolasib district
Rengtekawn 3
Bairabi 12

Serchhip district
Chhingchhip 2
New Serchhip Venglai 1

Lawngtlai district
Kamalanagar 4

Mamit district
Punjab 1

Saitual district
Keifang 6
Tualbung 1

Khawzawl district
Ngaizawl 1