Thlawhtheihna thlawk ṭan dawn

Covid-19 hripui leng vanga thlawhtheihna service tihtawp a nih hnuah vawiin hian a ṭum khatna atan scheduled flight pangngai angin Kolkata leh Lengpui Airport inkarah a thlâwk ṭan dawn.

GAD (Aviation Wing) principal consultant Wg.Cdr. J Lalhmingliana hnen aṭanga Vanglaini thu dawn danin, Manipur chuan ni khatah thlawhtheihna pathum bak ṭum an phal loh avangin, Air India chu vawiin hian Kolkata aṭangin Lengpui Airport-ah a rawn ṭum dawn a ni.

Tun dinhmunah chuan Air India hi kar khatah vawi thum a ṭum ṭhin dawn a, airline dang an rawn ṭum dawn leh dawn loh hriat theih a ni rih lo.