DA nei lote beisei ve lo

Federation of Mizoram Government Employees & Workers (FMGEW) chuan, an thutlukna anga sorkar hnathawkte'n an ni khat hlawh Covid-19 dona atana an thawh turah, dearness allowance (DA) nei lote chu thawh tura beisei an nih ve loh thu an tarlang.

Finance department chuan, sorkar hnathawk­te'n hlawh an thawh dan turah hian ruahmanna an siam a; sorkar hna­thawkte'n ni khat hlawh an thawh tur chhûtna atan basic pay + DA/30 hman tur a nih thu tarlangin FMGEW chuan, "DA nei lo sorkar hnathawkte chu thawhlawm thawh tur hian beisei an ni lo," an ti.

Department hrang hrang DDO-te chu an establishment ṭheuhah thawhlawm chu la khawn turin Finance department chuan an ngen a, "Sorkar hnathawk zingah harsatna vanga pe ve thei lote chuan an DDO hnenah ziakin thlen mai tur a ni," an ti a; grants-in-aid hnuaia hlawh late chuan an pay bill aṭangin an thawhlawm chu DDO-te'n a hranpaa an thehluh tur thu an tarlang.