Jail-a tángte him dan tur ngaihtuah
Supreme Court thu anga jail-a tángte Covid-19 hripui laka an him theih dan tur ngaihtuah tura din High Powered Committee chu tun hnai khan an chairman Justice Michael Zothankuma, Gauhati High Court, Aizawl Bench judge hoin a pisaah an ṭhukhawm.
Ṭhutkhawmah hian special invitee-ah DGP SBK Singh, DIG (Hqrs.) John Laldina leh Health secretary R Lalramnghaka te sàwm an ni a; jail-a lut tharte chu District Court Complex-ah RAT hmanga swab sample endik ṭhin turin an rèl.
Supreme Court chuan Suo Moto Writ Petition (C) No.1/2020-a thupek a chhuah angin, India rama state tin leh union territory tinte chu Covid-19 léng karah India rama jail táng zawng zawngte hripuiin a luhchilh lohna atan hma latu tur thuneitu sang high powered committee din vek turin a hriattir a; chumi bawhzui chuan Mizoramah pawh high powered committee din a ni.
Committee-ah hian member-te chu Home secretary Lalbiaksangi, IGP (Prisons) Lalnunhlua leh State Legal Service Authority member secretary R Vanlalena te an ni.
Ṭhutkhawma rorêlte
# Jail táng mekte himna tura health service pek
# Jail táng thar turte Covid-19 hri an vei leh vei loh endik hmasak
# Boruak khirh laia jail tâwt lutuk tihziaawm nan bail-a chhuah theihte endik
# Court-in thiam loh a chantir tawh jail tângte dan hmanga remission leh parole pek
# Damlo na zualte a remchan dan anga condition mumal tak neia chhuahtir lailâwk. Hei hi pawi khawihna nêp deuhte tan bik chauh a ni a, pawi lian tham khawih (heinous crime)-a inhnamhnawihte a huam lo.