Industry neitute luang chhuak

Mizoram Industry Owners Association (MIOA) chuan nimin khan Covid care centre (CCC) leh community covid care centre (CCCC)-a awmte tan tui thianghlim in tur (mineral water) ṭhahnem tak an pe. MIOA president F Rodingliana chuan, CCC leh CCCC-a awm mekte'n an duhkhawp tui thianghlim in tur an hmu lo nia an hriat avangin tui an sem tih a sawi a, "Tui thianghlim hi lei tur a váng a, chuvangin, kan member, mineral water siamna industry neite thawh khawm tura kan tih bakah, member dangte'n eng emaw zat kan leisak a ni," a ti. MIOA hian mineral water bottle 8,000 chuang chu CCC leh CCCC 17-ah an sem a ni.