Dan bawhchhia hrem zel turin hriattir

Chawhmeh leh dâwr bungrua sem/lâk chungchangah Aizawl DC Dr Lalhriatzuali Ralte chuan hriattirna a chhuah a; local task force-te leh Covid-19 executive duty-te chu dan bawhchhiate dan anga hrem zel turin a hriattir nghal.

Bungrua sem/lak dan tur:
1. Thawhṭanni leh Ningani zan dar 8 aṭanga a tûk zing dar 4 inkarah wholesaler/distributor-te’n LTF/VTF hriatpuinain zuar chhawng tur (retailer)-te hnenah bungrua an sem chhuak thei.
2. Wholesaler/distributor-te dawr/kudamah bungrua la tura zuar chhawngtu (retailer)-te kal khap a ni.
3. Wholesaler/distributor-te'n an motor hman tur leh hnathawktu turte ziahna (list) thlalak/soft copy Aizawl DC hnenah email - dcofficeaizawl@gmail.com emaw whatsapp kaltlangin 8787451776-ah emaw an thehlut hmasa ang.
4. Eichawp dawr hawn ní (Thawhlehni leh Zirtawpni)-ah loh theih loh avanga dawr bungrau lak mamawh an awm chuan dawr neitu leh zuar chhawngtu (retailer)-te an inbe lâwk hmasa ang a, task force phalnain bungrua an la thei ang.
5. Dawr neitute'n pungkhawm awm loa dawr bungrua an lo pek theih nan bungraw lâk theih hun tur (darkar) an siam ang a, chumi hun atan chauh chuan dawr bungrua latu chu kal chhuah phal a ni.
6. Chawhmeh (thlai/sa) zuar tur chuan LTF hriatpuinain Thawhṭanni leh Ningani zan dar 8 aṭanga a tuk zing dar 4 inkarah a hlâwma lakna hmun aṭangin an la thei. An lakna hmunah emaw an zawrhna tur hmunah emaw ṭhutchilh nghal phal a ni lo.
7. LTF-te’n chawhmeh/sa zuarte ṭhutna hmun tur chu mipui punkhawm tlem theih dan tur leh physical distancing a ṭha thei ang bera vawn a nih theih nan ruahmanna an siam ang.