COVID-19 VANGIN MI 2 THI

23rd May, 2021

Covid-19 vei SRH-ZMC-a enkawl lai mi pahnih chu vawiin (May 23) chawhnu lam khan an thi.

1. Zoramnghingi (50), Maubawk, Aizawl chu chawhnu 1:30 khan a thi. Sorkar thuchhuak tarlan danin, Zoramnghingi hi SLE, kal (kidney) leh thyroid tha lo nei sa a ni a; hripui vei a ni tih May 7-ah hmuh chhuah niin, ZMC-ah dah luh nghal a ni a, May 13 atangin ICU-ah enkawl a ni.

2. Thatinkipi (49), Chhinga Veng pawh tlai dar 3-ah a thi. Amah hi kal (kidney) tha lo nei sa a ni a; Covid-19 positive a ni tih May 20-ah hmuh chhuah a ni a, May 20-ah vêk SRH-ZMC ICU-ah dah luh nghal a ni.