Chawlhkar khat chhung atan Total lockdown pawhsei a ni

Mizoram sorkar chuan Covid-19 darh zel avanga May 17, 2021 aṭanga total lockdown a puan, vawiin May 24 zing dar 4-a tàwp tur chu chawlhkar khat chhung atan a pawtsei. May 24-31 chhunga hman tur inkaihhruaina, Standard Operating Procedure (SOP) thar tihchhuah nghal a ni.

Covid-19 thawh hnihna a darh hnuah Mizoram sorkar chuan April 20, 2021 aṭangin inkhuahkhirhna a kalpui a, chumi hnuah lockdown kalpui lehin, May 10 aṭangin total lockdown a puang.

Total lockdown kalpui a nih hnuah pawh Covid-19 vei hmuh chhuah an pun zel avangin a ṭum hnihna atan Mizoram sorkar chuan total lockdown hi a pawtsei leh a ni.

May 24-31 chhunga total lockdown kalpui a nih chhunga hman tur inkaihhruaina siamah, May 17-24 chhung inkaihhruaina nen inang lo ṭhenkhat a awm a; DC-te tan SOP-a tarlante kalh zawng emaw, tinêp zawnga an huam chhunga inkaihhruaina dang siam phal a ni lo.