Buhfai chatlak lohna turin ruahmanna siam

Food, Civil Supplies & Consumer Affairs (FCSCA) minister K Lal­rinliana chuan May 22, Inrinni khan Bairabi rél chawlhhmun a tlawh a, Mizorama buhfai lak luh kawnga chatlak a awm lohna turin Food Corporation of India (FCI), DCSO leh Baira­bi Joint VTF-te nen rua­hmanna an siam.

K Lalrinliana chuan, Bairabi rel chawlhhmuna buhfai buaipuitute zing­ah Covid-19 vei an awm avangin thawktu an indaih lo hle tih a sawi. Rél chawlhhmuna thawkte hripui laka an him lehzual nan a hrana hman tur tui leh inthiarna an ma­mawh thu an thlen chung­changah Minister leh Bairabi North VTF-te chuan ruahmanna an siam a ni.

May 22, Inrinni thleng khan Bairabi-ah Covid-19 vei mi 53 an awm mek a, chumi kaihhnawihah chuan in lama inkhung hrantir chhungkaw 106 an awm a ni.