Mizoram-in ṭanpuina dawng

Mizoram sorkar chuan nimin khan oxygen concentrator, China aṭangin 70 leh Qatar aṭangin 20 leh USA aṭangin N95 mask 6160 a dawng. Thilpek hi sorkar laipuia Ministry of Health & Family Welfare (MoHFW) kaltlanga dawn a ni a, Indian Air Force thlawhtheihna hmangin Lengpui Airport phurh thlen a ni. May 21 leh 22 pawh khan Mizoram sorkarin thipek a dawng a, Health minister Dr R Lalthangliana ngenna angin MoHFW chuan Covid-19 veite enkawlna damdawi Remdesivir vial 20 leh 100 B type cylinder a dawng. ICMR aṭang pawhin a thlawnin test kit 25,000 dawn a ni a, hei hi cheng vbc. 2 man hu vel a ni. Health Minister chuan MoHWF leh ICMR aṭanga thilpek dawn leh ṭhin chu a lawm takzet thu a sawi.