Chhungkaw 2,972 hnenah Rs. 2,000 ṭheuh pe

24th May, 2021

Chief Minister’s Relief Fund (CMRF) for Covid-19 aṭanga Aizawl district-in inkhàrkhip leh inkhuahkhirhna kalpui laia khawsak harsa leh chhuanchham mai theia ngaihte ṭanpuina tur Rs. 61,50,000 a dawn aṭangin Aizawla veng 45 leh district chhunga VC 21-a chhungkaw 2,972 hnenah Rs. 2,000 ṭheuh pek a ni.

Aizawl district hi incident commander bial 15-ah ṭhen a ni a, bial pakhatah veng/khua 6-10 zel a awm. VTF/LTF-te'n incident commander-te kaltlanga May 16, 2021 thlenga chhungkaw ṭanpui ngai DC pisaa an thehluhte hnenah CMRF ṭanpuina hi sem a ni.