Covid-19: Mizoram dinhmun : Ni 2 chhungin 488 hmuh belh
Mizoramah May 21, Zirtawpni khan Covid-19 vei mi 274 hmuh chhuah a ni a, Inrinni khan mi 214 hmuh a ni bawk a; ni hnih chhungin mi 488 hmuh chhuah niin, kumin May thla bikah mi 4,097 hmuh chhuah a ni tawh. Inrinni leh nimin khan mi 270 chhuahtir an nih laiin, mi pathum an thi.
Covid-19 vei May 21-a hmuhte chu ZMC laboratory-a hmuh mi 130, TrueNAT-PCR hmanga hmuh pathum leh RAT hmanga hmuh mi 141 an ni a; May 22-a hmuh chhuahte chu ZMC-a hmuh mi 65, TrueNAT hmanga hmuh panga leh RAT hmanga hmuh 144 an ni.
May 21-a hmuh chhuahte chu Aizawla veng 37 leh khaw dang 27-a mite an ni a, healthcare worker pakhat leh frontline worker pahnih an tel. May 22-a hmuh chhuah 214-te chu Aizawla veng 31 leh khaw dang 20-a mite an ni a, nausen thla 5 mi pakhat a tel.
Mizoramah Covid-19 vei mi 10,220 hmuh chhuah a ni tawh a, mipa 6,348 leh hmeichhia 3,872 an ni. Nimin tlai dar 5:00 thleng khan mi 7,791 (76.23%) chhuahtir an ni tawh a, mi 33 (0.32%) thi tawhin, enkawl mek mi 2,396 (23.45%) an awm.
May 21, Zirtawpnia swab sample endik dan chu - ZMC laboratory-ah 2,805, TrueNAT-PCR hmangin 184 leh RAT hmangin district 11-ah 1,399 a ni a; a vaiin sample 4,388 niin, chu'ng aṭanga hripui vei hmuh chhuah 274 chu 6.65% a tling.
Zirtawpnia hripui vei hmuh chhuah mi 274 zinga 261 chu Mizorama kái chhâwng an ni a, tun hnaia state páwn aṭanga Mizorama lut mi 13 an awm. Tualchhunga kái zingah hri kàina hriat loh mi 65 an awm a; Covid-19 symptom nei mi 107 an awm bawk.
May 22, Inrinnia swab sample endik dan chu - ZMC laboratory-ah 1,597, TrueNAT-PCR hmangin district pariatah 201 leh RAT hmangin district 11-ah 1,664 a ni a; a vaiin sample 3,462 niin, chu'ng aṭanga hripui vei hmuh chhuah 214 chu 6.20% a ni.
Inrinnia hmuh chhuah mi 214 zinga 207 chu Mizorama kái chhâwng an ni a, tun hnaia state páwn aṭanga Mizorama lut mi pasarih an awm. Tualchhunga kái zingah hri kàina hriat loh mi 78 an awm a; Covid-19 symptom nei mi 100 (46.73%) an awm bawk.
ZMC-a hmuh chhuah mi 105-te chu tualchhunga kái 96, state páwn aṭanga tun hnaia rawn lut pakua an ni a; TrueNAT hmanga hmuh mi panga zinga pahnih chu state páwn aṭanga haw an ni. RAT hmanga Aizawl district-a hmuh mi 129 zingah tualchhunga kái 128 awmin, chung zinga 46 chu kaina hriat loh an ni a, healthcare worker pakhat a tel.
Nimin khan tlai dar 5 thlengin hripui laka fihlim tawh mi 55 chhuahtir an ni a; Aizawl district-ah mi 43, Lunglei district-ah mi paruk, Mamit district-ah pathum, Serchhip district-ah pahnih leh Champhai district-ah mi pakhat an chhuak. May 22, Inrinni khan mi 215 an lo chhuak tawh bawk.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,352 hmuh chhuah a ni tawh a, TrueNAT-PCR hmangin 918 leh RAT hmangin 4,949 hmuh chhuah a ni tawh.
May 22, 2021 thlengin Mizoramah swab sample 3,67,090 endik a ni tawh a, chu'ng aṭanga Covid-19 positive hmuh tawh zat 10,220 chu 2.78% a ni. Hripui vei hmuh tawh zinga mi 6,636 chu Mizoram chhunga kái chhâwng an ni a, mi 3,584 chu Mizoram páwn aṭanga an rawn luh hnua hmuh chhuah an ni thung.ṭ
HRIPUI VEI HMUH THARTE
(May 21-22)
Aizawl district
Aizawl Venglai 6
Armed Veng 12
Armed Veng South 4
Bawngkawn 23
Bethlehem Veng 11
Bethlehem Vengthlang 23
Bungkawn 4
Chaltlang 1
Chaltlang Lily Veng 10
Chanmari 19
Chanmari West 8
Chawnpui 5
Chhinga Veng 32
College Veng 3
Dawrpui 46
Dawrpui Vengthar 2
Dinthar 3
Edenthar Veng 4
Electric Veng 12
Falkland Veng 2
Hunthar Veng 2
Khatla 6
Lawipu 3
Lungverh 1
Luangmual 1
Maubawk 8
Muanna Veng 4
Ramhlun North 1
Ramhlun South 7
Ramthar North 1
Ramthar Veng 11
Republic Vengthlang 1
Sakawrtuichhun 1
Saron Veng 56
Tanhril 3
Thakthing 1
Tlangnuam 1
Tuikual South 5
Tuithiang 7
Tuivamit 8
Tuivamit (Central Jail) 1
Ṭhuampui 5
Venghlui 2
Zarkawt 8
Zemabawk 1
Aibawk 1
Melriat 1
Sihphir Venghlun 1
Sairang 1
Sairang Vengthar 3
Tuirial (CRPF) 1
Tuirial Airfield 3
Lunglei district
Lunglei Zohnuai 1
Tlabung 18
Lungdai South 1
Siaha district
Siaha New Colony 5
Champhai district
Champhai Zion Veng 1
Champhai Venglai 1
Champhai Kahrawt 1
Kolasib district
Thingdawl 3
Kolasib Diakkawn 1
Bairabi 2
Hailakandi (Vairengte) 1
Kawnpui Hmarveng 1
Serchhip district
Serchhip Chanmari 1
Chhingchhip 3
Thenzawl 8
Keiṭum 8
North Vanlaiphai 1
Serchhip 5
Thenzawl 5
Keiṭum 2
Lawngtlai district
Lawngtlai-III 3
Kamalanagar 18
Udalthana 1
Lawngtlai 1
College Veng 3
Mamit district
Nghalchawm 7
Marpara 2
Hriphaw 2
Zawlnuam 1
Dapchhuah 1
Assam & Bagha 2
Tripura (Kanhmun) 1
Saitual district
Saitual 2
Keifang 2
Lenchim 1
Khawzawl district
Khawzawl Hermon 1
Hnahthial district
Hnahthial 1
Note: Report hi IPR tarlan ang a ni a, result inthuah a awm avangin khua/veng ṭhenkhata hmuh chhuah zat a danglam thei.