Hnam dang hming thehluh tur

Aizawl DC Dr Lalhriatzuali Ralte chuan, Mizorama hnam dang, Inner Line Permit (ILP) hmanga awmte chungchangah hriattirna a tichhuak a; hnam dang chhawrtu (sponsor-tu)-te chu an awmnaa LTF/VTF hnenah vawiin May 23 ral hma ngeia an mi chhawrte hming leh address kimchang thehlut turin a hriattir.

Aizawl DC hriattirna
1. ILP hmanga Mizorama awmte chu anmahni chhawrtute hriat lohin Mizoram chhuahsan leh hmun danga kal phal a ni lo.

2. ILP sponsor-tuin a mi chhawrte awmna chin leh hnathawhte a hriatpui tur a ni.

3. ILP sponsor-tuin a mi sponsor-te chêt velna leh hnathawhah mawh a phur.

4. Thuneituin a mamawh hunah a chhawrtute'n an mi chhawr lai awmna/khawsakna hmun a hrilh thei tur a ni.

5. Hnam dang chhawrtu (sponsor-tu)-te chu an awmna LTF/VTF hnenah May 23 ral hma ngeiin an mi chhawrte hming leh address kimchang thehlut vek tur a ni a, LTF/VTF-ten pass holder-te chu an awm rêng em tih lo chiang se.