COVID-19: Mizoram dinhmun : Hripui vei 112 hmuh belh a ni

May 23, Pathianni khan Mizoramah Covid-19 vei mi 112 hmuh chhuah a ni a, a pumpuiah mi 10,332 hmuh chhuah tawh niin, tun May thla bikah mi 4,209 hmuh chhuah a ni tawh. Nimin khan tlai dar 5 thlengin hripui laka fihlim mi 75 chhuahtir an ni.

Covid-19 vei hmuh tharte chu mipa 47 leh hmeichhia 66 niin, Aizawla veng 22 leh khaw dang pakuaa mite an ni a; TrueNAT-PCR hmanga hmuh chhuah mi pariat leh RAT hmanga hmuh chhuah mi 104 an ni. ZMC laboratory-ah swab sample endik a ni lo.

Hripui vei hmuh thar zingah hian naupang kum tling lo 23 aia tlem lo an tel a, kum khat chin hnuai lam pali awmin, nausen thla 2 mi leh thla 5 mi pakhat ve ve an tel. Kum 60 chung lam pasarih aia tlem lo an awm a, chu'ng zinga kum 70 chung lam mi pathum chu symptom nei vek an ni.

Mizoramah Covid-19 vei mi 10,332 hmuh chhuah a ni tawh a, mipa 6,395 leh hmeichhia 3,938 an ni. Nimin tlai dar 5:00 thleng khan mi 7,914 (76.60%) chhuahtir an ni tawh a, mi 33 (0.32%) thi tawhin, enkawl mek mi 2,385 (23.08%) an awm.

May 23, Pathiannia swab sample endik dan chu - TrueNAT-PCR hmangin district paliah 108 leh RAT hmangin district pariatah 703 a ni a; a vaiin sample 811 (mipa 431 leh hmeichhia 380) niin, chu'ng aṭanga hripui vei hmuh chhuah 112 chu 13.93% a tling.

Pathiannia hripui vei hmuh chhuah dan chu, Aizawl district-ah 77, Lawngtlai district-ah 19, Lunglei district-ah panga,Serchhip district-ah pali leh, Siaha leh Kolasib district-ah pahnih ve ve a ni. Mi 112 zinga 111 chu Mizorama kái chhâwng an ni a, tun hnaia state páwn aṭanga Mizorama lut mi pakhat chiah a awm. Tualchhunga kái zingah hri kàina hriat loh mi 41 an awm a; Covid-19 symptom nei mi 82 (73.21%) an awm bawk.
TrueNAT-PCR hmanga hmuh chhuah mi pariat (mipa 3 leh hmeichhia 5) zinga pasarih chu tualchhunga kái an ni a, tun hnaia state páwn aṭanga haw pakhat a awm. RAT hmanga hmuh mi 104-te chu tualchhunga kái vek an ni a, symptom nei 81 leh nei lo 25 an ni.

RAT hmanga Aizawl district-a hmuh mi 77 zingah kàina hriat loh mi 31 an awm a, Lawngtlai district-a hmuh mi 19 zingah kaina hriat loh 10 an awm. Kolasib district-a hmuh chhuah pahnih pawh kaina hriat loh ve ve an ni bawk.

Nimin khan tlai dar 5 thlengin hripui laka fihlim tawh mi 75 chhuahtir an ni a; district tina chhuak zat chu - Aizawl district-ah 40, Lunglei district-ah 17, Champhai district-ah pasarih, Serchhip leh Khawzawl district-ah pali ve ve, Siaha district-ah pahnih leh Hnahthial district-ah pakhat an ni. Hnahthial district-ah hripui vei an awm tawh rih lo.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,352 hmuh chhuah a ni tawh a, TrueNAT-PCR hmangin 926 leh RAT hmangin 4,053 hmuh chhuah a ni tawh.

May 23, 2021 thlengin Mizoramah swab sample 3,67,901 endik a ni tawh a, chu'ng aṭanga Covid-19 positive hmuh tawh zat 10,332 chu 2.81% a ni. Hripui vei hmuh tawh zinga mi 6,747 chu Mizoram chhunga kái chhâwng an ni a, mi 3,585 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
Aizawl district
Aizawl Venglai 3
Armed Veng South 1
Bawngkawn 3
Bethlehem Veng 2
Bethlehem Vengthlang 2
Bungkawn 6
Chawnpui 1
Chhinga Veng 6
College Veng 4
Dawrpui 1
Durtlang Leitan 5
Electric Veng 3
Maubawk 3
Mission Vengthlang 1
Ramhlun South 5
Ramthar Veng 1
Republic Veng 1
Sakawrtuichhun 1
Saron Veng 18
Tanhril 3
Venghlui 1
Zarkawt 1
Sihphir 4
Lengte 1

Lunglei district
Nunsury 4
Tlabung 1

Siaha district
New Siaha East-II 1
New Colony-III 1

Champhai district
Champhai Vengthlang 2
Champhai Kanan 1

Kolasib district
Bairabi Helipad Veng 2

Serchhip district
Thenzawl 4

Lawngtlai district
Kamalanagar 19