COVID-19 VEI MI 1 THIH BELH

24th May, 2021

Covid-19 vei SRH-ZMC-a enkawl lai Laltlanzova (35) h/o Lalhmachhuani, Zotlang, Aizawl chu zanin (May 24) dar 7:25 khan a thi a, naktuk chhun dar 12-ah Zotlang YMA Hall-ah vui a ni ang.

Sorkar thuchhuak tarlan danin, Laltlanzova hi 5th IR police niin, tun hnaia Assam leh West Bengal state assembly inthlana duty-a kal zinga mi a ni a; duty zo an rawn haw hnuah Covid positive a ni tih May 1-ah hmuh chhuah a ni a, Serchhip CCC-a enkawl a nih hnuah May 7-ah SRH-ZMC-ah dah luh a ni.

Sorkar chhinchhiah danin, Mizoramah Covid-19 vei zingah thi mi 34 an awm ta a ni.