Aizawlah mipui chhuakvâk an tam

Mizoram sorkarin Covid-19 léng avanga chawlhkar hnih chhung total lockdown a kalpui hnuah, a kár thumna tur a kalpui leh mek a, nimin kha dawr hawn ni a ni a, mipui chhuakvâk an tam hle. May 28, Zirtawpniah dawr hawn leh a ni ang.

Total lockdown inkaih­hruaina thar angin, nimin khan dawr hrang hrang - eichawp dâwr, chawhmeh, thlai chi/ ṭiak, agriculture kaihhnawih bungrua, cement, iron rod, balu, lei­rawhchan, electric bung­rua, workshop/ puncture work, motor spare part leh oil zawrhna leh zirlai mamawh hrang hrang dawrte LTF hriatpuinaa hawn theih a ni.

Aizawlah chuan mamawh lam khawma chhuakvâk an ṭhahnem hle a; dawr lian (wholesale), naupang zirlaibu leh a kaihhnawihte (statio­nery) zawrhna leh damdawi dawrte a lûn hle. Stationery dawr ṭhenkhatah chuan mamawh lei tumte thui tak an intlar a, hmun ṭhenkhatah chuan lirthei inhnawh tâwt vanga traffic jam a awm.