COVID-19: Mizoram dinhmun : Hripui vei 289 hmuh belh a ni

May 24, Thawhṭanni khan Mizoramah Covid-19 vei mi 289 hmuh chhuah a ni a, May thla bikah mi 4,490 hmuh chhuah tawh niin, nikum March 24 aṭanga Thawhṭanni thlengin hripui vei mi 10,621 hmuh a ni tawh. Nimin khan enkawlna aṭangin mi 87 chhuahtir an ni.

Covid-19 vei hmuh tharte chu mipa 145 leh hmeichhia 144 niin, Aizawla veng 37 leh khaw dang 23-a mite an ni a; ZMC laboratory-a hmuh chhuah mi 87, TrueNAT-PCR hmanga hmuh mi paruk leh RAT hmanga hmuh mi 196 an ni.

Kumin May thla bik ni 24 chhungin hripui vei mi 4,490 hmuh chhuah a ni tawh a, chu chu hmuh tawh zawng zawng aṭangin 42.27% a tling. Ni khata mi 200 aia tam hmuh chhuah ni kua a awm a, mi 100 aia tlem hmuh chhuah ni hnih awmin, Pathianni ve ve a ni.

Mi 289 zingah naupang kum tling lo 62 aia tlem lo an tel a, kum 1 leh a hnuai lam 11 awmin, naupang ber chu nausen thla 2½ mi a ni. Kum 60 aia upa mi 16 aia tlem lo telin, upa ber chu kum 84 mi a ni a; kum 70 chung lam mi pathum chuan symptom an nei.

Mizoramah Covid-19 vei mi 10,621 hmuh chhuah a ni tawh a, mipa 6,540 leh hmeichhia 4,081 an ni. Nimin tlai dar 5:00 thleng khan mi 8,106 (76.32%) chhuahtir an ni tawh a, mi 34 (0.32%) thi tawhin, enkawl mek mi 2,481 (23.36%) an awm.

May 24, Thawhṭannia swab sample endik dan chu - ZMC laboratory-ah 1,741, TrueNAT-PCR hmangin district pariatah 148 leh RAT hmangin district 11-ah 2,414 a ni a; a vaiin sample 4,303 (mipa 2,348 leh hmeichhia 1,955) niin, chu'ng aṭanga hripui vei hmuh chhuah 289 chu 6.74% a tling.

District hrang hranga hripui vei hmuh dan chu, Aizawl district-ah mi 211, Lawngtlaiah 29, Lungleiah 18, Kolasib leh Serchhipah 11 ve ve, Siaha leh Khawzawlah pathum ve ve, Saitualah pahnih leh Champhai district-ah pakhat a ni.

Mi 289 zinga 280 chu Mizorama kái chhâwng an ni a, tun hnaia state páwn aṭanga Mizorama lut mi pakua chiah an awm. Tualchhunga kái zingah hri kàina hriat loh mi 111 an awm a; Covid-19 symptom nei mi 160 (55.36%) an awm bawk.

ZMC-a hmuh chhuah mi 87 zingah tualchhung kái mi 84 an awm a, symptom pahnih chiah an awm. SRH-ZMC-a thawk hmeichhia pakhat a tel a, routine test aṭanga hmuh chhuah a ni. TrueNAT hmanga hmuh chhuah mi paruk chu symptom nei lo vek an ni a, mi panga chu state pawn aṭanga tun hnaia haw an ni.

RAT hmanga hmuh chhuah mi 196 zingah symptom nei mi 157 an awm a, tualchhunga kái mi 195 awmin, state pawn aṭanga lut pakhat chiah a awm. Aizawl district-a hmuh mi 124 zingah tualchhunga kai 123 an awm a, healthcare worker pakhat a tel. RAT hmanga district danga hmuhte pawh tualchhunga kai vek an ni bawk.

Nimin khan tlai dar 5 thlengin hripui laka fihlim tawh mi 87 chhuahtir an ni a; Aizawl district-ah mi 59, Serchhip district-ah 12, Lunglei district-ah 10, Kolasib district-ah pathum leh, Champhai, Saitual leh Khawzawl district-ah mi pakhat ṭheuh an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,439 hmuh chhuah a ni tawh a, TrueNAT-PCR hmangin 932 leh RAT hmangin 4,249 hmuh chhuah a ni tawh.

May 24, 2021 thlengin Mizoramah swab sample 3,72,202 endik a ni tawh a, chu'ng aṭanga Covid-19 positive hmuh tawh zat 10,621 chu 2.85% a ni. Hripui vei hmuh tawh zinga mi 7,027 chu Mizoram chhunga kái chhâwng an ni a, mi 3,594 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Aizawl district
Aizawl Venglai 2
Armed Veng South 2
Bethlehem Veng 8
Bungkawn 1
Central Jail, Tuivamit 20
Chaltlang 1
Chaltlang Lily Veng 10
Chanmari West 17
Chawnpui 1
Chhinga Veng 24
Damveng 2
Dawrpui 8
Dawrpui Vengthar 5
Durtlang 3
Edenthar Veng 4
Electric Veng 4
Falkland Veng 3
ITI Veng 2
Khatla 4
Lungverh 1
Maubawk 4
Ramhlun South 3
Ramthar Veng 3
Republic Veng 5
Republic Vengthlang 1
Sakawrtuichhun 1
Saikhamakawn 1
Salem Veng 2
Saron Veng 32
Tuikual North 4
Tuikual South 3
Tuithiang 1
Tuivamit CJ Veng 1
Venghlui 2
Zarkawt 5
Zonuam 2
Zotlang 2
Melriat 4
Sairang 2
Sairang Dinthar 5
Tuirial Airfield 2
Karimganj, Assam 1

Lunglei district
Lunglei 1
Lunglei Bazar Veng 1
Lunglei Venglai 9
Electric Veng 8

Siaha district
Siaha New Colony 2
College Vaih 1

Champhai district
Thekte 1

Kolasib district
Kolasib Electric Veng 5
Vairengte 3
Bairabi 2
Thingdawl 1

Serchhip district
Keiṭum 6
Thenzawl 4
Chhingchhip 1

Lawngtlai district
Lawngtlai AOC Veng 1
Electric Veng 1
Kamalanagar 24
Chawngte-L 1
Karlui-I 1
Pangkhua 1

Saitual district
Keifang 2

Khawzawl district
Kawlkulh 3