Covid-19 vei pakhat thih belh

26th May, 2021

Covid-19 vei State Referral Hospital (ZMC)-a enkawl lai Laltlanzova (35) h/o Lalhmachhuani, Zotlang, Aizawl chu May 24, Thawhṭanni zan dar 7:25 khan a thi a, nimin chhun dar 12 khan Zotlang YMA Hall-ah vui a ni.

Sorkar thuchhuak tarlan danin, Laltlanzova hi 5th IR police a ni a, tun hnaia Assam leh West Bengal state assembly inthlana duty-a kal zingah a tel. Duty zo an rawn haw hnuah Covid positive a ni tih May 1, 2021-ah hmuh chhuah a ni a, Serchhip CCC-a enkawl a nih hnuah May 7 khan SRH-ZMC-ah dah luh a ni.

Sorkar chhinchhiah danin, Mizoramah Covid-19 vei zingah thi mi 34 an awm ta a ni.