Luia nungcha humhalh dan tur rêl

Chief secretary Lalnunmawia Chuaungo hoin nimin khan Law & Judicial department, Fisheries department leh Central YMA hruaitute'n luia nungchate humhalh dan tur an sawiho.

Ṭhutkhawmah hian, dan loa sangha man ṭhin titawp tura CYMA leh Fisheries department thawhho a ṭul thu an sawi a, thawhhona thuthlung tur an duang nghal. Sangha bakah, chakai leh chengkawl la puitling lo, tê tak tak tê tê man leh zuar an awm ṭhin thu an sawi a, "Hetiang man leh zuarte chu dan anga hrem zel tawh ni se," an ti.

Tun hnaia social media-a dan loa sangha man tarlante chu Fisheries department-in an bawhzui a, thubuai siamsak mek an nih thu an tarlang bawk.