Hripui vei 317 hmuh belh a ni Hmuh chhuah tam ber ní a thleng

May 25, Thawhlehni khan Mizoramah Covid-19 vei mi 317 hmuh chhuah a ni a, hmuh chhuah tam ber ní a ni. Hripui vei hmuh chhuah tawh zawng zawng chu mi 10,937 an ni a; nimin khan mi 64 chhuahtir an ni thung.

Covid-19 vei hmuh tharte chu mipa 154 leh hmeichhia 163 niin, Aizawla veng 43 leh khaw dang 20-a mite an ni a; ZMC laboratory-a hmuh chhuah mi 164, TrueNAT-PCR hmanga hmuh mi 13 leh RAT hmanga hmuh mi 140 an ni.

Hripui vei hmuh thar mi 317 zingah naupang kum tling lo 56 aia tlem lo an tel a, kum khat tling lo pathum awmin, a naupang ber nausén thla khat mi chu symptom nei a ni. Kum 60 chung lam mi 17 aia tlem lo an awm a, an zinga parukin symptom an nei.

Kumin May thla bik ni 25 chhungin hripui vei mi 4,807 hmuh chhuah a ni tawh a, hmuh tawh zawng zawng aṭangin 43.95% a tling.

Mizoramah Covid-19 vei mi 10,937 hmuh chhuah a ni tawh a, mipa 6,694 leh hmeichhia 4,243 an ni. Nimin tlai dar 5:00 thleng khan mi 8,224 (75.19%) chhuahtir an ni tawh a, mi 34 (0.31%) thi tawhin, enkawl mek mi 2,679 (24.50%) an awm.

May 25, Thawhlehnia swab sample endik dan chu - ZMC laboratory-ah district pahniha mi 1,419, TrueNAT-PCR hmangin district pakuaah 178 leh RAT hmangin district 11-ah 2,044 a ni a; a vaiin sample 3,641 (mipa 2,009 leh hmeichhia 1,632) niin, chu'ng aṭanga hripui vei hmuh chhuah 317 chu 8.70% a tling.

District hrang hranga hripui vei hmuh dan chu, Aizawl district-ah mi 258, Lawngtlai district-ah 26, Siaha district-ah 10, Kolasib district-ah pakua, Serchhip district-ah pasarih, Lunglei district-ah pathum, Mamit leh Khawzawl district-ah pahnih ve ve a ni.

IDSP tarlan danin, mi 317 zinga 192 chu Mizorama kái chhâwng an ni a, mi 25 chu tun hnaia state páwn aṭanga Mizorama lut an ni. Tualchhunga kái zingah hri kàina hriat loh mi 34 an awm a; Covid-19 symptom nei mi 94 (29.65%) an awm.

Local council leh VC khata hripui vei hmuh thar tamna ber Saron Vengah chuan mi 43 hmuh chhuah an ni a, ZMC-a hmuh chhuah 35 leh RAT hmanga hmuh pariat an ni. Electric Vengah mi 33 leh Chhinga Vengah mi 29 hmuh chhuah a ni bawk.

ZMC-a hmuh chhuah mi 164 zingah tualchhung kái mi 157 an awm a, symptom nei mi pahnih chiah an awm. TrueNAT hmanga hmuh mi 13 chu symptom nei lo vek an ni a, mi 11 chu tualchhunga kái niin, mi pahnih chu state pawn aṭanga tun hnaia an ni.

RAT hmanga hmuh chhuah mi 140 zingah symptom nei 93 an awm a, tualchhunga kái 135 awmin, chu'ng zingah chuan kaina chin hriat loh mi 29 an awm. Nimin khan tlai dar 5 thlengin hripui laka fihlim tawh mi 64 chhuahtir an ni a; Aizawl district-ah mi 23, Lunglei district-ah 12, Siaha district-ah paruk, Serchhip district-ah pali, Saitual district-ah pathum, Champhai, Lawngtlai leh Mamit district-ah pahnih ṭheuh an chhuak a ni.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,602 hmuh chhuah a ni tawh a, TrueNAT-PCR hmangin 945 leh RAT hmangin 5,389 hmuh chhuah a ni tawh.

May 25, 2021 thlengin Mizoramah swab sample 3,75,843 endik a ni tawh a, chu'ng aṭanga Covid-19 positive hmuh tawh zat 10,937 chu 2.91% a ni. Hripui vei hmuh tawh zinga mi 7,318 chu Mizoram chhunga kái chhâwng an ni a, mi 3,619 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Armed Veng 2
Armed Veng South 4
Bawngkawn 11
Bethlehem Veng 5
Bethlehem Vengthlang 5
Bungkawn 1
Central Jail, Tuivamit 3
Chaltlang Lily Veng 1
Chanmari 2
Chanmari West 4
Chawnpui 1
Chawlhhmun 2
Chhinga Veng 29
Dawrpui 5
Dawrpui Vengthar 6
Dinthar 2
Durtlang Leitan 2
Edenthar Veng 2
Electric Veng 33
Falkland Veng 4
Govt. Complex 1
Hunthar Veng 3
ITI Veng 4
Khatla 9
Maubawk 2
Muanna Veng 1
Ramhlun North (Sesawng 1) 2
Ramhlun South 4
Ramthar Veng 9
Republic Veng 2
Republic Vengthlang 3
Saikhamakawn 1
Saron Veng 43
Selesih 2
Tanhril 9
Tlangnuam 2
Tuithiang 3
Tuivamit 1
Tuivamit CJ Veng 1
Ṭhuampui 2
Vaivakawn 4
Venghlui 7
Zarkawt 1
Zonuam 2
Sihphir Venghlun 5
Sairang 7
Sairang Dinthar 2
Sialsuk 1

LUNGLEI DISTRICT
Lunglei Electric Veng 2
Putlungasih 1

SIAHA DISTRICT
Siaha College Vaih 10

KOLASIB DISTRICT
Bairabi 7
Vairengte 1

SERCHHIP DISTRICT
Hmunṭha 1
Chhingchhip 1
Keiṭum 1
Thenzawl 2
SGI Pvt. Ltd. 3

LAWNGTLAI DISTRICT
Kamalanagar 22
Lawngtlai-II 2
College Veng 1
Paithar 1

MAMIT DISTRICT
Damdiai 1
Damcherra (Kanhmun) 1

SAITUAL DISTRICT
Tualbung 1

KHAWZAWL DISTRICT
Kawlkulh 2