Ruihhlo vangin mi 23 an thi

Excise & Narcotics department (END) chhinchhiah danin, kuminah April 21 thlengin ruihhlo vangin mi 23 an thi tawh a; kum 2020 chhung khan ruihhlo vangin mi 67 an thi.

END aṭanga Vanglaini thu dawn danin, ruihhlo vanga kumina thite chu mipa 21 leh hmeichhia pahnih an ni a, heroin leh ruihhlo dang tite an ni. Heroin leh ruihhlo dang tih pawlh avanga thi mi 22 an awm a, pakhat chu heroin chauh ti a ni thung.

Tun hnai kum 12 chhunga ruihhlo vanga thi an tam ber kum chu kum 2020 kha niin, mi 67 an thi a; thi an tlem ber ṭum, kum 2011-ah chuan mi 12 an thi a ni.